Şandê Hevbeş yê Hevbendiya Niştimanî ya Sûrî û Desteya Danûstandinê ya Sûrî li Emrîka, li gel Şandê Yekîtiya Ewropa di Netewên Yekbûyî de li rex civatên Komeleya Giştî ya Netewên Yekbûyî civiya, û pêre behsa pêşhatên rewşa meydanî û pirosesa siyasî li Sûriyê kir.
Û di hevdîtinê de Serokê Desteya Danûstandinê ya Sûrî Enes Elebde, Cîgirê Serokê Hevbendiyê Ebdilehed Istêfo, Cîgirê Serokê Hevbendiyê Ebdilhekîm Beşar, Cîgira Serokê Hevbendiyê Ruba Hebûş, Endama Desteya Danûstandinê Fedwa Elicêlî û Cîgirê Emîndarê Giştî yê Karûbarê Siyasî di Yekîtiya Ewropî de Enrique Mora amade bûn.
Û Şandê Hevbeş, tekezî li ser rola Yekîtiya Ewropa ya girîng di doza Sûrî de li ser asta siyasî û mirovahî kir, û cext kir ku ne cihê pejrandinêye ku nûavakirin li Sûriyê berî cîbicîkirina biryara navdewletî 2254 û pêkanîna veguhestina siyasî ya tam li Sûriyê dest pê bibe.
Û Şandê Hevbeş bal kişand ser pêwîstiya ku sizayên li ser rijêma Esed hatine sepandin ne werin rakirin û ne jî sivik bibin, berî ku biryarên navdewletî cîbicî bibin, nemaze biryara 2254 û pêkanîna veguhestina siyasî.
Û Şandê Hevbeş tekez kir ku çênabe penaberên Sûrî bên vegerandin bo welatê wan berî pêkanîna çareya siyasî yaku dighêje veguhestina siyasî ya tam li gel biryarên navdewletî yên ku hêviyên gelê Sûrî bicî dikin, û dîtin ku vegera berî wê mîna vegerandina kotekî ye, yaku jiyana wan dike bin gef û metirsiyê.
Û Şandê Hevbeş daxwaza dîtina mîkanîzmeke bêalî bo şopandina doseya girtî û binçavkiriyên kotekî kir, û zêdekirina piştgiriya mirovahî bo deverên rizgarkirî xwest.
Û Şandê Hevbeş li ser derdeseriyên Sûriyên li devera rojhilatê Ferêt ji ber kiryarên teroristî yên rêxistina milîsên PKK, û li ser giringiya devera rojhilatê ferêt ya bi samanên suruştî dewlemend e axivî, û got ku tevlî dewlemendbûna wê deverê, Sûrî sûdê jê nabînin, û ew saman bi temamî ji rêxistina PKK re diçin, û Şandê diyar kir ku alîkariyên mirovahî yên ku dewlet bo rojhilatê Ferêt dişînin nagihêjin kesên hewcedar û ew bo endamên milîsên ku sînoran derbas dikin tên dan.
Û ji aliyê xwe ve Cîgirê Emîndarê Giştî yê Karûbarê Siyasî di Yekîtiya Ewropa de, li ser siyaseta Yekîtiya Ewropa û piştgiriya wê ji hemû bizavên navdewletî û herêmî yên dixwazin çareya siyasî li Sûriyê pêk bînin axivî.
Û bal kişand ser ku Yekîtiya Ewropa bi çavekî erênî li danûstandinên Emrîkî û Rûsî dinhêre, û hêviyên xwe pêve girêdide, daku pêşketin di pirosesa siyasî de çêbibe.
Jêder: Ofîsa Ragihandinê ya Hevbendiya Niştimanî ya Sûrî
