Şandê Hevbeş yê Hevbendiya Niştimanî ya Sûrî û Desteya Danûstandinê ya Sûrî li Emrîka, li gel Şandê Norwêcî di Netewên Yekbûyî de li rex civatên Komeleya Gitî ya Netewên Yekbûyî civiya, û pêre behsa pêşhatên rewşa meydanî û pirosesa siyasî li Sûriyê kir.
Û Şande ji Cîgirê Serokê Hevbendiya Niştimanî Ruba Hebûş, Sekretêrê Desteya Siyasî Ebdilmejîd Berekat, Endamê Desteya Siyasî û Serokê Ofîsa Têkliyên Derve di Desteya Danûstandinê de Bedir Camûs û Endamê Desteya Danûstandinê Fedwa Elicêlî, pêk dihat.
Û ji Şandê Norwêcî, yê ku bi Karê Rêvebiriya Beşê Rojhilata Navîn di Wezareta Derve de Islin Hacas, û Sekreterê Yekem ê Norwêcê di Netewên Yekbûyê de Nelly Faro Hali, di civatê de beşdar bûn
Û Şandê Hevbeş rêzgirtin bo bizavên Norwêcî derbarê derxistina biryara 2585 ya taybet bi derbaskirina alîkariyên mirovahî di riya xalên sînorî re anî ziman, û di heman demê de tekez kir ku tevî giringiya doseya mirovahî, lê ew têra çareserkirina doza gelê sûrî nake, û çareya siyasî takerêya ku karibe tevaya kirîzên ku gelê Sûrî tê de dijî bidawî bîne.
Û Şandê Hevbeş diyar kir ku karê Komîteya Destûrî ne çalak e, bi sedema serhişkiya rijêma Esed û jikarêxistina herdem û xwespartina ser tundî û rêbaza leşkerî.
Û Şandê Hevbeş cext kir ku çi piştgirî bo berdewamiya mana Esed wek beşdariyeke cidî ye di zêdekirina hejmara qurbanî û girtiyan û pirbûna koçberî û derbideriyê de, û daxwaza nehêlana normalkirina têkliyan li gel rijêmê kir, û destûrê nedin rijêmê ku doseya mirovahî weku derî an bihane bo normalkirina têkliyan bikar bîne.
Û Şandê Hevbeş daxwaza mana sizayên li ser rijêmê hatine sepandin kir, û dît ku sivikkirina sizayan dê bihêle rijêm hîn bi serhişkiyê de here, û daxwaza karê cidî li ser doseya sizakirina navdewletî bo tawanbarên rijêmê û sembolên wê kir.
Ji aliyê xwe ve Şandê Norwicê li ser pêwendiyên xwe yên herdem li gel Netewên Yekbûyî û Şanderê Navdewletî, Geir Pederson ji bo gihîştina çareya siyasî li Sûriyê axivî, û mixabîniyên xwe ji ber cîbicînekirina biryara navdewletî 2254, her weha lidarneketina gera şeşemîn ya karên Komîteya Destûrî ya Sûrî anî ziman.
Jêder: Ofîsa Ragihandinê ya Hevbendiya Niştimanî ya Sûrî
