Emîndarê Giştî yê Hevbendiya Niştimanî ya Sûrî Heysem Rehmê, tekez kir ku piştguhkirina çekên kîmawî yên ku rijêma Esed vedişîre û hîn di cenga dijî gelê Sûrî de bikar tîne, metirsiyeke mezin e li ser bi melyonan Sûrî û dewletên derorê, û cextî li ser tiştê ku di rapora mehane ya 98an ya Rêvebirê Giştî yê Saziya Qedexekirina Çekên Kîmawî derbarê pirograma kîmawî ya rijêmê kir, yaku di rûniştina Encumena Ewlekariyê de, duh, li baregrha Netewên Yekbûyî li New York hatiye ragihandin.
Û Rehmê got ku rapora li vê dawiyê ji aliyê Saziya Qedexekirina Çekên Kîmawî ve derketiye, û tê de tekez kiriye ku rijêmê çekên kîmawî dermafê gelê Sûrî bikar anîne, ji civaka navdewletî dixwaze ku mîkanîzmeke yasayî ya navdewletî ya daddar bisepîne, daku karibe rijêmê bişopîne û wê li ser bikaranîna çekên qedexekirî siza bike, û nehêle ku çi parastin jêre hebe.
Û Rehmê tekez kir ku rijêma Esed ji berê de û hîna jî, bersiva biryarên Navnetewî bi pêkanîna komelkujî û tawanên bêhtir bi çekên kîmawî dide
Û Emîndarê Giştî yê Hevbendiyê, diyar kir ku raporên mafnasî cîbicîkirina bêhtir ji 184 êrîşan bi çekên kîmawî piştî biryara Encumena Ewlekariyê ya 2118 an ya di sala 2013an de derketiye û bêhtir ji 170 carî piştî ku herdû biryarên Encumena Ewlekariyê 2209 û 2235 yên di sala 2015an de derketine de, belge kirin.
Û Rehmê cext kir ku berpisyariyeke yasayî û sincî li ser milê civaka navdewletî û Encumena Ewlekariyê heye, û tevgerek jê tê xwestin, daku misoger bibe ku tawanbar ji sizayan rizgar nebin, û dosyên lêpirsîna navdewletî bo tawanbarên cengê ji berpirsên rijêmê û di serî de Beşar Esed kartêker bibn.
Jêder: Ofîsa Ragihandinê ya Hevbendiya Niştimanî ya Sûrî
