Cîgirê Serokê Hevbendiya Niştimanî Ebdilhekîm Beşar, tekez kir ku ew aliyên dixwazin navê rêxistina PKK ji lîsta terorê ya navdewletî hilînin, perçeyek ji wê rêxistinê ne, an jî bi awayekî rasteqîn bi wê rêxistinê ve girêdayî ne, û matmayiya xwe anî ziman ji wê daxwaza sûriyan ya derbarê rêxistina ku ne Sûrî ye.
Û daxwiyaniyên Cîgirê Serok wek bersivê ne li ser pirojeya ku li deverên Rojhilatê Ferêt jêre tê xebitandin, û fişaran li ser saziyên civaka sivîl disepînin ji bo îmzeyan kom bikin, û tê de daxwaza hilanîna navê rêxistina PKK ji lîsteya terorê ji civaka navdewletî dikin.
Û Beşar daxwaza kesayet û saziyên sivîl ên Sûrî ya ji bo derxistina navê rêxistineke ne Sûrî wek PKK ji lîsteya Emrîka û Yekîtiya Ewropa ya terorê şermezar kir.
Û Ebdilhekîm bal kişand ser ku ewên bi vê helmetê radibin an beşdariyê têde dikin, gelek pirsgirêkên wan ên ewlehî û yên debara jiyanê yên ku gefê didin ser hebûna wan û malbatên wan û aramiya wan hene, û ji wan tê xwestin ku daxwazê ji wê rêxistinê bikin ku desttêwerdanê di karûbarên kurdên Sûriyê de neke, û ji wan dihate xwestin ku ji wê rîxistinê bixwazin ku ji Sûriyê derkeve, ne hîn kar li ser çespandina lingên wê rixistinê di riya van daxwazan re bikin.
Û Ebdilhekîm bal kişand ser ku ji ber kiryarên endamên vê rêxistinê li Sûriyê û bi sedema siyaseta wan a sernekeftî di rêvebirina deverê de, di rojên dawîn de, di navbera tenê du rojan de, bêhtir ji 1200 welatî ji kurdên Sûriyê derbasî herêma kurdistanê bûn, ew jî bi sedema rewşa aborî ya xirab û tunebûna aramî û ewlehiyê.
Û Cîgirê Serok cext kir ku li şûna daxwaza hilanîna navê rêxistinê ji lîsteya terorê, ji wan kesayetan tê xwestin ku bi awayekî cidî bi derdeseriyên xelkê xwe li deverê biramin, piştî ku rêxistina PKK û amûrên wê weke Ciwanên Şoreşger bûn sedema derketina hejmarek mezin ji pirsgirêkan li deverê, û bizavên wê rêxistinê ku kurdên Sûriyê ji ejendeyên derve re ji bo dijîtiya dewletên derdorê bikar bînin, û di nav de destdirêjiyên wan li ser pira Sêmalka ya sînorî, ya bûye sedem ku dergehê li gel herîma kurdistanê were girtin.
Jêder: Ofîsa Ragihandinê ya Hevbendiya Niştimanî ya Sûrî
