Serokê Hevbendiya Niştimanî ya Sûrî Salim Elmislit, civînek li gel Cîgirê Serokê Komara Tirkiyê Fuad Eqtayî li Paytexta Enqerê lidar xist, û pêre behsa pêşhatên rewşa meydanî û pêşketinên pirosesa siyasî kir.
Û Serokê Hikûmeta Sûrî ya Demkî Ebdilrihman Mustefa û Serokê Desteya Danûstandinê ya Sûrî Enes Elebde di hevdîtinê de amade bûn.
Serokê Hevbendiya Niştimanî tekezî li ser rola dewletên dost û yên bira bi taybetî rola Turkiyê, ji bo pêşdebirina çareya siyasî û piştgiriya veguhestina siyasî ya tekûz li Sûriyê, kir.
Û amadebûyan behsa rêya pirosesa siyasî, yaku ji ber serhişkiya rijêmê û nepejrandina wê ji çi çareyên siyasî re û xwaspartina li ser rêbaza leşkerî ya xwîndar aloz bûye, kirin. Û tekezî li ser pêwîstiya pabendiya bi riya siyasî ya biryara 2254 bi hemû xalên wê ve, nemaze Desteya Hikûmdariya Veguhêz Kirin. Û cextî li ser derneketina ji vê rêçê, di riya çi nerîna nû re ya ku vajî biryarê be an dijberî têgeha wê be, kirin.
Û Serokê Hevbendiyê giringî da rewşa li deverên rizgarkirî û pêwîstiya bihêzkirina Hikûmeta Sûrî ya Demkî û zêdekirina karînên wê ji bo wan deveran bi rê ve bibe, û kar li ser yekkirina rêveberiyê û lêvegera wê bibe.
Û amadebûyan rewşa derbider û koçberên di kampan de nemaze di dema zivistana dijwar û bahoza berfê de ya vê dawiyê li deverê daye gengeşe kirin, û tekezî li ser pêwîstiya çakkirina rewşa wan û piştgiriya karê saziyan daku nişteciyên kampan veguhêzin malin demkî ta rewş bighêje qonaxa çareya siyasî û xelk vegere deverên xwe yên resen kirin.
Û amadebûyan behsa rewşa sûriyan li Tirkiyê kirin, û tekezî li ser berdewamiya hêsankirina rêşûnan ji wan re û çareserkirina pirsgirêkên wan, her weha berçavgirtina rewşa xwendekarên Sûrî ji bo berdewamkirina xwendinê di zanîngehên Tirkiyê de, kirin.
Ji aliyê xwe ve Cîgirê Serokê Tirkiyê Fuad Eqtay tekezî li ser berdewamiya piştgiriya Tirkiyê ji gelê Sûrî û doza wî ya dadmend û daxwazên wan yên mafdar re kir, û cextî li ser neguhêriya helwestên Tirkiyê di rûbirûbûna rêxistinên teroristî de û parastina yekîtiya Sûriyê kirin.
Jêder: Ofîsa Ragihandinê ya Hevbendiya Niştimanî ya Sûrî
