Komîteya Cezîrê û Ferat ya Hevbendiya Niştimanî ya Sûrî, civîneke nû lidar xist, û têde rewşa mirovahî û civakî li deverên Rojhilatê Ferêt û pêwîstiya beşdariya çalak ya xelkê deverê û çalakiyên civakî gengeşe kirin.
Û di hevdîtinê de Hevrêzkarê Komîteyê Ebdilbasit Ebdilletîf û Endamên Komîteyê Ebdilehed Istêfo, Ebdilmecîd Berekat, Mihemed Elî Îsa, Ebdellah Elferec, Ehmed Tuimê, Yasir Elferhan, Zuhêr Elmihemed, Mihemed Welî û Husên Elebdellah amade bûn.
Û amadebûyan hejmarek ji temîniyên ku ewlehî û aramiya deverê misoger dikin û yekîtiya xaka Sûriyê û gelê wê diparêze pêşkêş kirin.
Û amadebûyan tekezî li ser pêwîstiya guhdanê bi aliyê mirovahî û siyasî û civakî li devera Rojhilatê Ferêt û çespandina armancên Hevbendiya Niştimanî di cîbicîkirina pirojeya xwe ya niştimanî li deverên rizgarkirî kir.
Û amadebûyan daxwaza karê li ser xurtkirina hebûna Hevbendiya Niştimanî li deverê di riya vekirina ofîsên xwe li Serê Kaniyê û Girê Sipî û bihêzkirina têkliyan li gel xelkê deverê û saziyên civaka sivîl û birêkirina diyalogeke niştimanî berfireh kirin.
Û bal kişandin ser giringiya karê xurtkirina rola çalak ya tevaya pêkhatên deverê nemaze yên di Hevbendiya Niştimanî de.
Û bal kişandin ser ku beşdariya Hikûmeta Sûrî ya Demkî di karê Komîteyê de pêwîst e, di riya binavkirina nûnerên Hikûmetê di Komîteyê de, her weha pêwendiya li gel rayedarên Yekîneyên Artêşa Niştimanî li deverê û hevrêziya li gel wan di karê komîteyê de û piştevaniya piştgiriya pêwîst jêre.
Û cextî li ser pêwîstiya danîna pilanên pêwîst bo xurtkirin û misogerkirina nûnertiya gelêrî û cîbicîkirina nenavendiya rêvebirî û pîvanên hikumdariya şarezane li gor biryarên Encumena Ewlekariyê û Komeleya Giştî ya Netewên Yekbûyî yên girêdayî karûbarê Sûriyê kirin.
Û amadebûyan tawanên ku rêxistina PKK ya terrorist û milîsên PYD dermafê xelkê deverê pêk tînin şermezar kirin, û tekez kirin ku ew armanckirina sivîlan li taxa Giwêran û dubarekirina operasyonên rûxandina malûmilkên xelkê bi bihaneya şerê rêxistina Daiş ê ret dikin.
Jêder: Ofîsa Ragihandinê ya Hevbendiya Niştimanî ya Sûrî
