Ofîsa Têkliyên Derve ya Hevbendiya Niştimanî ya Sûrî, hevdîtinek li gel Berpisyarin Alman li baregeha Hevbendiya Niştimanî lidar xist, û pêre behsa rewşa meydanî û mirovahî li Sûriyê û asoyên pirosesa siyasî û amadekariyên gera heftemîn ya Komîteya Destûrî kir.
Û di civatê de Dîma Mosa Endama Ofîsa Têkliyên Derve ya Hevbendiya Niştimanî û Sekretêrê Yekemîn yê Karûbarê Siyaseta Sûriyê di Balyozxaneya Almanî li Beyrûtê David Budde û Şêwerdarê Siyasî di Balyozxaneya Almaniya li Enqerê Stefan Raffeiner amade bûn.
Û Mosa di hevdîtinê de tekezî li ser pêwîstiya berdewamiya piştgiriya navdewletî bo gelê Sûrî û pêşdebirina berve cîbicîkirina biryarên navdewletî û di serî de biryara 2254 kir, yaku têde çareyeke siyasî ya dadwer hatiye, û pingavên sereke bo veguhestina siyasî ya tam deynin, daku tirajîdiya gelê Sûriyê bidawî bînin, her weha pêwîstiya berdewamiya cîbicîkirina biryara 2585 yaku berdewamiya pêşkêşkirina alîkariyên mirovahî bo bêhtir ji 5 melyon Sûrî li bakurê Sûriyê dabîn dike.
Û Mosa cextî li ser giringiya guhdana bizav û karê di doseya girtiyên Sûrî yên ku derdeseriya rewşa mirovahî ya dijwar di girtîgehên rijêmê de dikşînin kir, û di heman demê de tekezî li ser pêwîstiya ku doza Sûriyê ne tenê bi aliyê mirovahî ve girêdin û aliyê siyasî yê sereke piştguh nekin û daxwazên mafdar ên gelê Sûrî ji bo wan derketiye û bi melyonan qurbanî di wê rêyê de daye kir.
Û derbarê vegera penaberên sûrî, Mosa tekez kir ku rewşa li Sûriyê ne guncawe bo vegera penaberên Sûrî, ji ber ku sedemên rasteqîn yên koçberkirina wan û di serî de rewşa ewlehî û kiryarên rijêmê hîn berdewam in, û hîn di pêkanîna binpêkirinan de dermafê Sûriyên li welêt dimînin berdewam e, û got ku vegera penaberên Sûrî bo welêt û deverên xwe yên resen divê bi awayekî ewle û ji ber xwe ve be, ew jî hewcedarî pir mercên sereke ye û di serî de awlehiya li ser tevaya astan.
Ji aliyê xwe ve herdû berpirsên Almanî tekezî li ser helwestên neguhêr ên Almaniya û berdewamiya piştgiriya gelê Sûrî û pabendiya bi çareya siyasî li gor biryarên navdewletî û piştgiriya bizavên Şanderê Navdewletî bo Sûriyê kirin, û gotin ku helwestên Almaniya derbarê rijêmê nehatiye guhartin, û tekezî li ser berdewamiya Almaniya di piştgiriya saziyên mirovahî û saziyên civaka sivîl û alîkariya nişteciyên di kampên derbideriyê li bakurê Sûriyê kirin.
Jêder: Ofîsa Ragihandinê ya Hevbendiya Niştimanî ya Sûrî
