Serokê Hevbendiya Niştimanî ya Sûrî Salim Elmislit, li gel Desteya Şêwirdariyê ya Encumena Êl û Hozên Sûriyê li baregeha Encumen li bajarê Gazî Entab civiya, û bi wan re behisa rewşa meydanî û siyasî û karê Hikumeta Sûrî ya Demkî û rola giring ya Artêşa Niştimanî ya Sûrî di parastina herêma rizgarkirî de û misogerkirina aramî û ewlehiyê li wan deveran kir.
Û Nûnerên Encumen di Hevbendiya Niştimanî de: Ehmed Tu’imê, Îbrahîm Elmilî, Cîhad Mer’î, Hemîde Elhemêdî û Feysel Elsultan hevaltiya Elmislit kirin, û di civatê de tekezî li ser rola êl û hozên Sûriyê û rawestana wan li kêleka hêviyên gelê Sûriyê û mafên wî kir, û bal kişand ser ku şarezaya şêx û serokên êlan karîbû rêya durist binase, û wê yekê şoreş xurt kir, û hişt ku karibe li dijî rêbaza leşkerî ya xwîndar ya rijêma Esed berdewam bike.
Û Elmislit careke dî tekezî li ser giringiya yekrêziya rêvebiriya sivîl li deverên rizgarkirî û yekîtiya lêvegereke yasayî û rêvebirî di riya piştgiriya Hikumeta Sûrî ya Demkî û xurtkirina wê re kir.
Û pesnê Artêşa Niştimanî ya Sûrî di parastina deverên rizgarkirî dijî milîsên Esed û Îranê û rêxistina PKK ya terrorist da, û got ku Hevbendiya Niştimanî li gel Hikumeta Sûrî ya Demkî kar dike ji bo tevaya beş û tabûrên leşkerî di nav rêzên Artêşa Niştimanî de û di bin yek alê û yek serdariyê de bixebitin.
Û Elmislit cextî li ser têkliya bihêz li gel Tirkiyê ji ber giringiya wê têkiliyê ji aliyê ciyosiyasî û dîrokî û civakî de kir, û got ku bêguman cenga ku li Sûriyê dibe beşek jê dijî Tirkiyê ye, û di riya milîsên terorist û cudaxwaz re Tirkiyê armanc dikin, û ev yek hewcedarî berdewamiya hevkariyê di navbera Artêşa Niştimanî ya Sûrî û Artêşa Tirkiyê de ye.
Û li ser rewşa navdewletî ya bandorê li doseya Sûriyê dike û dijminkariya Rûsiya li ser Okranya axivî, û tekez kir ku Sûriya herdem di nava hemû bûyaran de ye, û bal kişand ser ku bijardeyên civaka navdewletî û berdana pişta şoreşa Sûriyê di warê leşkerî û siyasî de, derfet da Botîn ku ji Sûriyê de li dewletan belav bibe, ta îro gihiştiye derdora Ewropa.
Û Elmislit cext kir ku ji civaka navdewletî tê xwestin ku ji şaşyên xwe yên ku li Sûriyê kirine vegere, û nehêle Botîn vehêse û aram bimîne, ta radeya şandina milîsên Esed û nandozên bi ser wî ve û yên Xamîneî bo pevçûnan li devera ku dixwaze.
Jêder: Ofîsa Ragihandinê ya Hevbendiya Niştimanî ya Sûrî
