Desteya Siyasî ya Hevbendiya Niştimanî ya Sûrî, civîna xwe ya rolane bi amadebûna Serokê Hevbendiya Niştimanî û Serokê Desteya Danûstandinê ya Sûrî Enes Elebde, û Serokê Hevbeş yê Komîteya Destûrî ya Sûrî Hadî Elbehra li dar xist, û behsa pêşhatên rewşa meydanî û siyasî û şêwirdariyên Hevbendiya Niştimanî di çarçoveya pirosesa çaksaziyê de kir.
Û Serokê Hevbendiya Niştimanî şiroveyek li ser hevdîtinên ku di serdana xwe ya bo bajar û bajarokên cuebecur deverên rizgarkirî û hevdîtinên ku li gel Serokên Encumenên Xwecihî û rûsipiyên deveran li dar xistine pêşkêş kir, û got ku têde giringî da pêşketinên pirosesa siyasî û temamkirina pirosesa çaksaziyê û tevlêkirina nûnerin rasteqîn di nav Hevbendiya Niştimanî de.
Û Cîgirên Serok karên xwe yên hefteyê berçav kirin, û Serokê Desteya Danûstandinê û Serokê Hevbeş yê Komîteya Destûrî li ser şiroveya Şanderê Navdewletî Geir Otto Pedersen axivî.
Û Elebde tekez kir ku Desteya Danûstandinê pêgiriyê bi cîbicîkirina biryara navdewletî 2254 bi tevaya rêyên wê yên ku Komîteya Destûrî perçeyek jê ye dike.
Ji aliyê xwe ve Elbehra bal kişand ser destpêkirina amadekariyan bo lidarxistina gera heştemîn ya Komîteya Destûrî di heyva gulanê ya dahatî de.
Û di pey re Hevrêzkarê Ofîsa Revendan Mihemed Yehya Mektebî Raporek derbarê civatên ku Ofîsê li gel Revendan li dar xistine bo gengeşekirina nûnertiya wan di Hevbendiya Niştimanî de û di hundirê pilana Hevbendiyê ya çaksaziyê de û temamkirina şêwerdariyên berfirehkirinê pêşkêş kir.
Û Sekretêrê Desteya Siyasî ya Hevbendiya Niştimanî ya Sûrî Ebdilmejîd Berekat, encamên hilbijartinên Perlemanê Ciwanan yên ku li deverên rizgarkirî bi serpereştiya Yekîneya Piştgiriya Aramiyê li dar ketine berçav kirin, û tekezî li ser giringiya pêngava ku alîkariyê di bilindkirina hişyariya siyasî li bal ciwanan dike û rê ji bo beşdariya wan di karê siyasî de xweş dike kir.
Jêder: Ofîsa Ragihandinê ya Hevbendiya Niştimanî ya Sûrî
