Endama Desteya Siyasî ya Hevbendiya Niştimanî ya Sûrî Besme Mihemed, tekez kir ku titşê ku rapora rojnameya “The Guardian” a Birêtanî eşkere kiriye, û têde dîmenên tirsnak ên serbazên Esed diyar dibe ku çawa sivîlan li taxa Eltedamun li gundewarê Şamê dikujin û dişewtînin, tenê beşekî biçûk e ji wêneyê tam ê ketwarê ku Sûrî têde bi dirêjiya 11 salan dijîn, salên ku têde rijêmê bombebarana asîmanî û zemînî bi hemû cureyên çekan pêk aniye, her weha bikaranîna çekên qedexe li ser asta navdewletî tevî çekên kîmawî jî.
Û Besme Mihemed di daxwiyaniyin taybet de îro, diyar kir ku pir nîşan hene tekez dikin ku rijêma Esed tawan pêk anîne, û di serî de dermafê girtiyan, nemaze yên ku dîdevanê Qeyser bi wêneyên diyar çespandine, her weha bikaranîna çekên kîmawî ya ku vekolînên navdewletî piştrast kiriye.
Û Mihemed got ku vîdyoya tomarkirî ya ku rojnameya Birêtanî belav kiriye, û karvedanên di pey re derketine, hişt ku Sûrî li helwesta civaka navdewletî û di serî de ya Emrîka û Yekîtiya Ewropa bipirsin, gelo dê bersiva wan derbarê vê tawanê çawa ba, eger li Okranya rû daba, û danûstandin pêre dê bi çi rengî ba?
Û Mihemed bal kişand ser ku baweriya sûriyan bi tevaya aliyên navdewletî nemaye, bi sedema qebareya sersariya wan û helwesta wan ya lawaz derbarê her tiştê têkildarî Sûriyê di warê doseyên mirovahî û siyasî de.
Û ji civaka navdewletî xwest ku bi pabendiyên xwe yên derbarê sûriyan re wefedar bin, û kar li ser vejandina pirosesa siyasî bikin, û doseya Sûrî ji nû de deynin ser maseyê û tevaya rêyên biryara navdewletî 2254 û di serî de Desteya Hikumdariya Veguhêz vekin.
Û tekez kir ku gihiştina çareya siyasî ya hêviyên gelê Sûriyê pêk tîne, dikare sembolên tawankariyê li Şamê birûxîne, û alîkariyê di çareserkirina tevaya pirsgirêkên sûriyan de bike.
Û daxwaza destêwerdana saziyên navdewletî yên bi ser Netewên Yekbûyî ve kir, da bi awayekî yekser lidûvçûna tawanbarên cengê bikin, tevî ewên ku li dewletên Ewropa û dewletên erebî digerin, nemaze li dewletên ku kar li ser normalkirina têkliyan li gel rijêma Esed dikin.
Û Mihemed tekezî li ser pêwîstiya şopandina doseya girtiyan bi awayekî cidî û çalak kir, daku di serbestberdana girtiyan de bi awayekî bilez alîkar be, û çarenûsa binçavkiriyên kotekî yên di zîndanên Esedê tawankar de diyar bibe.
Jêder: Ofîsa Ragihandinê ya Hevbendiya Niştimanî ya Sûrî
