Emîndarê Giştî yê Hevbendiya Niştimanî ya Sûrî Heysem Rehmê, daxwaza rawestandina piştgiriyê bi awayekî yekser ji ser milîsên PYD yên terorîst û sizakirina wan li ser tevaya binpêkirinên berdewam dermafê sivîlan nemaze dermafê ciwanan ji civaka navdewletî kir, û got ku milîsên PYD bi helmetên girtinê yên nû dermafê bidehan ji ciwanên bajarê Munbic li gundewarê Helebê bo leşkariya neçar rabûn.
Û Rehmê tekez kir ku milîsên PYD yên terorîst li ser rêbaza rijêma Esed di girtin û serkutkirin û îşkencê de berdewam in, û helmetên girtin û revandin û îşkencê yên milîsên PYD dermafê sivîlan bi awayekî giştî û derbideran bi awayekî taybet û armanckirina deverên sivîlan yên ewle li bakurê Sûriyê, her weha şandina wan ji otombîl û motosiklên mayînkirî re bo tax û bazarên gelêrî û deverên mişt sivîl, di bîra civaka navdewletî de anî.
Û Emîndarê Giştî cextî li ser pêwîstiya sepandina mîkanîzma lêpirsîn û dadgehkirinê dijî binpêkirinên berdewam ên van milîsan û hilanîna çi sîwanên navdewletî ji ser wan kir.
Û alavin ragihandinê yên xwecihî tekez kirin ku milîsên PYD yên terorîst duh nêzîkî 60 ciwanî li ser herdû rêbendên Pira Tişrîn û Pira Qereqozaq rojhilatê bajarê Munbicê li gundewarê rojhilatê Helebê girtin, û berve leşgergehên leşkeriya neçar de birin.
Û saziyên mafnasî yên xwecihî, girtina bêhtir ji 20 ciwanan li taxên bajarê munbicê di 7 nîsana bûrî de ji aliyê van milîsan ve belge kirin, û van milîsan derdora 75 ciwanan li curbecur deverên bajarê Reqayê di dîroka 26ê çirya paşîn de di helmeteke rêbazkirî de bi armanca leşkeriya neçar girtin.
Jêder: Ofîsa Ragihandinê ya Hevbendiya Niştimanî ya Sûrî
