Endamê Desteya Siyasî ya Hevbendiya Niştimanî ya Sûrî Mihemed Yehya Mektebî, binpêkirinên ku desthilatên Lêtwaniya dijî kesên mafê penaberiyê dixwazin şermezar kirin, û tekezî li ser pêwîstiya vekirina lêpirsînê derbarê danûstandina nemirovane ya ku li wê derê pêk tê kir.
Û Mektebî bal kişand ser ku çênabe bêdengî berdewam bimîne li hember tiştê li Lîtwaniya pêk tê, li gorî saziyên mirovahî dibêjin, û ji Netewên Yekbûyî û Komisyona Bilind ya Karûbarê Penaberan, daxwaza şopandina wan dozan û nehêlana ku desthilatên Lîtwaniya kiryarên dijminkarî dermafê penaberan pêk bînin kir.
Û Mektebî tekez kir ku tiştê dijî penaberan li hejmarek ji dewletên Ewropî dibe ku ti carî berê bi vî rengî nebûye, cihê dilnearamiyê ye, û bal kişand ser ku sedemên hiştine ku penaber ji welatên xwe birevin diyar in, û çare jî ew e ku sedemên wê bên hilanîn, ne ku penaber siza bibin.
Tê zanîn ku Saziya Lêborînê ya Navdewletî raporek derxistibû, û têde gotibû ku desthilatên Lêtwaniya bi darê zorê bi hezaran ji xelkên daxwaza mafê penaberiyê dikin, Sûrî jî di nav wan de hene, di navendên leşkerî de hatine girtin, û di wan navendan de rastî rewşeke nemirovahî û îşkence û danûstandinên pîs hatine.
Jêder: Ofîsa Ragihandinê ya Hevbendiya Niştimanî ya Sûrî
