Toreya Sûriyê ya mafên mirovan di raporteke xwe de duh çarşembê girtina 6517 kesan li Sûriyê di sala 2017 de belgeh kiriye, 551 kes ji wan di heyva çileyê pêşî de ne.
Toreyê anî ziman ko 434 ji nav wan girtiyan zarok in, û 760 jin in, û diyar kir ko 4796 kes bi destê rêjîma Esed hatine girtin, û rêkxistinên tundrew 843 kes girtine, û 539 ên din rêkxistina Daiş ew girtine.
Raportekê destnîşan kir ko milîtanên PYD di heman demê de 647 kes girtine, û alayine leşkerî ko toreyê navê wan negotine 231 kes girtine.
Li gora raportê, para Şamê û gundewarê wê ya herî mezin bû bi girtina 1440 kesî, û li dêra zorê 981 hatibûn girtin, û 658 li Helebê, û 588 li Reqayê, û 514 li Hesekê, û 493 li Dera, û 455 girtî li Hema, û girtiyên din li parêzgehên corbicor bûn.
Toreya mafnasiyê tekez kir ko wê girtina nekêmî 117hezar kesî ji despêka şoreşê de sala 2011ê ve tomar kiriye, û 99% ji wan bi destê hêzên rêjîmê ne.
Toreyê di raporteke cuda de duh destnîşan kir ko hejmara qurbaniyên bi êşkenceyê sala derbasbûyî giha 232 kesan, 211 ji wan bi destê hêzên rêjîmê ne, zarokek û du jin di nav wan de hene.
Toreyê ji Encûmena ewlekariya navdewletî daxwaz kir ko giring e biryara 2042 ya di 14ê nîsana 2012ê derketiye û ya 2139ê ya di 22 sibata 2014ê de derketiye yên ko dibêjin divê girtin û wendakirina kotekî raweste cîbicî bibin.
Jêder: Nivîsgeha Ragihandinê ya Hevbendiya Niştimanî