Tora Sûrî ya Mafên Mirovan di rapora xwe ya salane a yazdehemîn de li ser binçavkirina kotekî li Sûriyê eşkere kir ku nêzîkî 111hezar welatî bi darê zorê ji Adara 2011an de heta Tebaxa 2022an hatine windakirin, û piraniya wan li bal rijêma Esed in, ev jî tawaneke li dijî mirovahiyê ye.
Û di raporta xwe ya dawîn de, bi boneya roja cîhanî ya qurbaniyên windakirina bi darê zorê, Tora Sûrî tekez kir ku herî kêm 154,398 kes, di nav wan de 5,161 zarok û 10,159 jin, hîn di bin desteserkirin an windakirina bi zorê de ne li Sûriyê ji Adara 2011 heta Tebaxa 2022yan de
Û raporê diyar kir ku di nav tevayî kesên bi darê zorê winda bûne de, 135 hezar û 253 kes di destê rejîma Esed de ne, ji wan 3 hezar û 684 zarok û 8 hezar û 469 jin in, di dema ku herî kêm 8 hezar û 684 ji wan 319 zarok û 255 jin di destê rêxistina DAIŞê de ne, û 2 hezar û 373 kes ji wan 46 zarok û 44 jin hîn di girtîgehên Heyet Tehrîr Elşam de ne.
Û raporê got ku herî kêm 4224 kes, di nav wan de 751 zarok û 523 jin hîn jî ji aliyê milîsên PYDê ve girtî an binçavkiriyên kotekî ne, û herî kêm 3,864 kes, di nav wan de 361 zarok û 868 jin hîn jî ji aliyê hin aliyên çekdar ve girtî an di rewşa binçavkirina bi zorê de ne.
Û Hevbendiya Niştimanî ya Sûrî di daxwiyaniyeke xwe de tekez kiribû ku binçavkirina kotekî ya rijêma Esed beşek e ji rêbaza tam ya ku têde kuştin, terorîzm, serkutkirin, nebûna di zindanan û koçberkirina bi darê zorê de ye.
Û Hevbendiya Niştimanî got ku civaka navdewletî bi nûneratiya Netewên Yekgirtî û dewletên xwedî bandor di vê rêxistinê de beşekî ji berpirsiyariyê hildigrin, ji ber ku rê dan rijêma Esed ya qirkirinê ku bi çavekî biçûk li sizayê binêre û paşê jê rizgar bibe, tevî wêneyên ku ji aliyê Qeyser ve hatine belgekirin û vîdyoya taxa Eltedamun, û tevî belgekirina bi hezaran komelkujî yên ku bi zelalî diyar dikin ku binçavkirî û girtî di “Cihê Gurandina Mirovî de” yên rijêma Esed rastî îşkenceyên derûnî û laşî ta mirinê tên.
Jêder: Ofîsa Ragihandinê ya Hevbendiya Niştimanî ya Sûrî