Emîndarê giştî yê Hevbendiya Niştimanî ya Sûrî Heysem Rehmê hewildanên Erebî bi serkêşiya Erebistana Siûdî, Misir û Qeterê bo rêgirtina li pêşiya vegera rêjîma Esed bo Komkara Erebî bilind nirxand, û Tekezî li ser pêwîstiya radestkirina kursiya Sûriyê di Komkara Erebî de bo Hevbendiyê kir, ji ber ku ew nûnerê rewa yê gelê Sûriyê ye, ji bilî beşdarbûna Hevbendiyê di rêvebirî û komîteyên Komkarê de.
Û Rehmê tekezî li ser giringiya berdewamkirina vederkirina rijêma Esed di warê siyasî û aborî de kir, ji ber ku sedemên ku bûne vederkirina rijêmê ji tawan û kiuştin û wêrankirinê bi derbasbûna demê re naçin, çimkê Rijêm di pêkanîna tawanên dermafê sivîlan di nav de kuştin, girtin, îşkencekirin û windakirina bi zorê de berdewam e.
Û Rehmê cext kir ku hewlên bo vegerandina biserxistina rijêma Esed yan normalkirina têkliyan pê re bi ser nakevin, û dê rastî xiyanet û xiniziya vê rijêmê were, rijêma ku bûye amûra Îranê li deverê û nikare ji wê û pirojeya wê ya xerab cuda bibe.
Û Rehmê careka dî spasiyên xwe bo dewletên erebî yên ku mazûvanî û piştgiriya mafên gelê Sûriyê di pêkanîna azadî, rûmet û demokrasiyê de kirine kir, û xwest ku di lûtkeya dahatî de dosyaya Sûriyê were gotûbêjkirin, bo berjewendiyên gelê Sûriyê û dewletên erebî yên ku têkliyê bi rijêma Esed a tawankar ya girêdayî rijêma Îranê ye û xizmeta berjewendiya wê dike nakin.
Û Rehmê bang li hemû dewletên Erebî kir ku xebatê ji bo veguhestina siyasî ya tam li Sûriyê bikin, li gorî daxwiyaniya Cinêvê û herdu biryarên 2118 û 2254 û hêvî bo serkeftina lûtkeyê bo berjewendiya gelên erebî û geşepêdana welatên wan xwestin.
Jêder: Ofîsa Ragihandinê ya Hevbendiya Niştimanî ya Sûrî