Endama Desteya Siyasî ya Hevbendiya Niştimanî ya Sûrî Salwa Aksoy, tekez kir ku tiştê ku duh li Lahay çêbûye derbarê tuhmetbarkirina rijêma Esed bi kuştina rojnamevan “Nebîl Şerbejî” destkefteke giring e, û tekeziyê li ser giringiya tevgera gelêrî li ser asta navdewletî dike, û malbatên qurbaniyan han dide ku bi awayên curbicur ên yasayî bilivin, bi taybetî li dewletên Ewropî.
Û Endama Desteya Siyasî got ku tiştên li Lahay qewimîne gaveke baş e ji bo çespandina prensîpa bicîkirina dadweriyê û gunehbarkirina tawankaran, û Aksoy bal kişand ser wê yekê ku divê saziyên navdewletî û rêxistinên mafên mirovan bi hev re bixebitin, daku misoger bibe ku tawankar di ber binpêkirinên ku bi dirêjiya salên bûrî li Sûriyê pêk anîne neyên rizgarkirin.
Û dadvanin navdewletî di çarçoveya “dadgeheke gelêrî de” ya ku ji aliyê sê rêxistinên nedesthilatdar ên ku berevaniyê di ber azadiya çapemeniyê de dikin hatiye avakirin, duh duşemê, biryarek derxistin û tê de rijêma Esed bi binpêkirina mafên mirovan gunehbar kirin.
Û Dadgeha Gelêrî rijêma Esed di ber binpêkirinên dijî rojnamevanê Sûrî Nebîl Şerbejî de, yê ku di sala 2012an de ji aliyê Îstixbarata Hêza Asmanî ve hatibû girtin û di bin îşkenceyê de li zindana Sêdnaya ya navdar di sala 2015an de hatibû kuştin, berpirsyar dît.
Û dadwer Eduardo Bertone got ku rijêma Esed di ber binpêkirinên giran dermafê rojnamevan Nebîl Şerbejî de berpisyar e, û diyar kir ku rijêma Esed mafê Şerbejî yê nehiştina îşkenceyê û mafê jiyanê binpê kiriye.
Û dadger bal kişand ser ku Sûriya di nav 173 dewletên ku li ser peymana taybet bi mafên sivîl û yên siyasî ji sala 1976an de yaku naveroka wê ew e ku mafên sivîl û yên siyasî bo tevaya kesan bê parastin, her weha mafê mirovan biparêze imza kiriye, û ev tekez dike ku Sûriya peymanên navdewletî binpê dike.
Hêjayî gotinê ye ku Dadgeha Gelêrî li Lahay bi destpêşxeriya rêxistinin kartêker ên di warê piştgirîkirina rojnamevanan de bo pêkanîna azadiya ragihandin û derbirînê dixebitin ava bû, û yên tê de beşdar ev in: Peyamnêrên Bê Sînor, Çapemeniya Azad a Bê Sînor û Komîteya Parastina Rojnamegeran, Ji bo ku roniyê bidin ser bêcezamana tawanên dijî rojnamegeran, û bilindkirina asta hişyariyê û fişarê bidin ser hukûmetan, her weha komkirina belge û nîşanan di riya Dadweriya Gelêrî re.
Jêder: Ofîsa Ragihandinê ya Hevbendiya Niştimanî ya Sûrî
