Hevbendiya Niştimanî ya Sûrî, piştgiriya xwe ya tam bo gelê Îranê di serhildana wî ya dijî rijêma melayan li Îranê anî ziman, û daxwaza piştevaniya xwepêşandanên gelêrî û rawestana li kêleka daxwazên gelê Îranê û standina rêşûnên vebir derbarê binpêkirinên ku dijî xwepêşanderan tên kirin ji civaka navdewletî kir.
Û Hevbendiya Niştimanî di daxwiyaniyeke xwe de got ku danûstandina hovane yaku rijêma melayan li hember xwepêşanderan diyar kiriye, tevî derbasbûna çend rojan di ser xwepêşandanan re, piştrast dike ku rijêma melayên Îranê rijêmeke tepeserker û stemkar e, û amade ye ku gelê xwe bikuje ji bona berdewamiya pirojeya wêrankirinê ya mezhebî yaku bi salan e li ser dixebite.
Û Hevbendiya Niştimanî di daxwiyaniya xwe ya derbarê piştgiriya xwepêşandanên Îranê dijî rijêma meleyan de, got ku ew rijêm bi heman şêweyê rijêma Esed yê tepeserkirina xwepêşanderan dide û distîne, û hewl dide ku di riya rawestandina xizmeta entirnêtê re wan ji cîhana derve bibire.
Û daxwiyaniyê bal kişand ser ku serhildana gelêrî ya piştî kuştina keça bi navê Mahsa Emînî, rewşa aloz û nerazîbûna gel li hember vê rijêmê ji ber qeyranên navxweyî û terorîzma herêmî yaku di rêya leşkerkirina milîsên mezhebî re kar ji bo wêrankirina Sûriyê, Yemen, Iraq û Libnanê di xizmeta projeya xwe ya terorîstî de dike, nîşan dide.
Û Hevbendiya Niştimanî ya Sûrî cext kir ku ji civaka navdewletî tê xwestin ku aşitî û ewlehiya navdewletî pêk bîne, yaku li gel hebûna piştevanên terorîzma navxweyî, herêmî û cîhanî (rijêma Esed, rijêma meleyan û rijêma Potîn) pêk nayê, û amaje bi wê yekê kir ku diyar bû ku ev rijêmên stemkar piştgiriya hev dikin, û tawanên cengê û binpêkirinan li Sûriya, Okrayna û welatên din ên ku têde aramiyê têk didin pêk tînin.
Jêder: Ofîsa Ragihandinê ya Hevbendiya Niştimanî ya Sûrî
