Şandê Hevbendiya Niştimanî ya Sûrî civînek li gel Ofîsa Demoqrasî û Mafên Mirovan û Kar di Wezareta Derve ya Emrîka de li Washingtona paytexta Emrîka li dar xist, û di civatê de tawan û binpêkirinên berdewam dermafê sivîlan li Sûriyê pêk tên çi li deverên rijêma Esed bin an li deverên di bin kontirola milîsên PYD yên teroristî de bin gotûbêj kirin.
Û Şandê Hevbendiya Niştimanî ji Cîgirên Serok Ebdilehed Istêfo, Ebdilhekîm Beşar û Ruba Hebûş û Sekretêrê Desteya Siyasî Ebdilmejîd Berekat û Endama Hevbendiya Niştimanî Dîma Mûsa pêk hat.
Û di civînê de tawan û binpêkirinên ku rijêma Esed û milîsên pêre alîkar li deverên di bin kontirola wan de pêk tînin, yên ku bûne sedema koçberiyeke berfireh di nav sûriyan de, ji girtinê de bigre ta îşkencekirinê û belavbûna tawanan û rewşa aborî ya dijwar, berçav kirin.
Û amadebûyan li ser tawan û binpêkirinên belgekirî li deverên di bin kontirola milîsên PYD de nemaze leşkerkirina zarokan û koçberkirina niştecihên resen bi armanca guhartina demografî û sepandina rêbazên perwerdeyî yên îdolojîk li ser xwendekaran axivîn.
Û amadebûyan rêşûnên ku Hikûmeta Sûrî ya Demkî û komîteyên wê pê rabûne ji bo çareserkirina zêdegaviyên tekekesî li deverên rizgarkirî, û vegerandina mafan bo xwediyên wan û lidarxistina rahênanan ji endamên Artêşa Niştimanî re, daku di warê mafên mirovan û yasaya navdewletî de bêhtir haydar bin gengeşe kirin.
Û Şandê Hevbendiya Niştimanî vexwendineke fermî bo Ofîsê pêşkêş kir, daku serdana deverên rizgarkirî bikin, û ketwarê dadgehan û zîndanan û danûstandina li gel girtiyan temaşe bikin, her weha serdana herdû bajarên Serê Kaniyê û Girê Sipî bikin, da ketwarê deverê bibînin, û di hilanîna sizayan ji ser wan deveran de alîkar bin.
Jêder: Ofîsa Ragihandinê ya Hevbendiya Niştimanî ya Sûrî
