Desteya Niştimanî ya Sûrî ya Karûbarê Girtî û Windayan, hişyariyê dide ji rabûna rijêma Esed bi helmeteke girtina berfireh der mafê penaberên Sûrî yên hatine neçarkirin ku ji Libnanê vegerin Sûriyê, û tekez kir ku desthilatên Libnanî berpirs in di ber saxlemiya kesên vegeryane de.
Û Hevrêzkara Desteya Niştimanî ya Sûrî ya Karûbarê Girtî û Windayan Selwa Eksoy, di civîna Desteya Siyasî ya Hevbendiya Niştimanî ya îro de, diyar kir ku serborên berê yên bi raporên mafnasî belgekirî hene, diçesipînin ku rijêmê bidehan ji kesên vegeryane Sûriyê girtine, û ew rastî îşkence û kuştinê hatine, û bal kişand ser ku tirseke mezin heye ku careke din ew kiryarên dijî penaberan dubare bibin, nemaze dijî kesên ku desthilatên Libnanê ew bi darê zorê vegerandine deverên di bin kontirola rijêmê de.
Û Eksoy dît ku desthilatên Libnanî berpisyariya tam di ber saxlemiya penaberên Sûrî yên neçarî vegera deverên rijêmê bûne hildigrin, û tekez kir ku ew vegerandin berovajî yasayên navdewletî yên ku mafên penaberan misoger dikin e.
Û Eksoy bal kişand ser ku Deste di pêwendiyên li gel tevaya aliyên mafnasî û navdewletî de berdewam e, ji bo haydarkirin û hişyarkirina ji tiştê ku heye dermafê penaberên Sûrî çêbibe piştî ku dighên deverên di bin kontirola rijêmê de, nemaze di dema nebûna çi mîkanîzmên şopandina çawaniya girtin û binçavkirina kotekî an operasyonên îşkence û bidarvekirinê di hundirê zindanan de.
Û Eksoy daxwaza tevgereke navdewletî ya lezgîn bo rawestandina operasyonên vegerandina kotekî ji Libnanê kir, û tekez kir ku divê veger ji ber xwe ve û li gorî biryarên navdewletî yên taybet bi karûbarê Sûriyê be, yên pêkanîna veguhestina siyasî ya tam li welat û dabînkirina jîngeheke ewle û pêkanîna hilbijartinên pak ên bi serpereştiya Netewên Yekbûyî berî vegera penaberan pêwîst dibînin.
Jêder: Ofîsa Ragihandinê ya Hevbendiya Niştimanî ya Sûr
