Serokê Hevbendiya Niştimanî ya Sûrî Salim Elmislit, nameyek arasteyî Emîndarê Giştî yê Komkara Dewletên Ereb Ehmed Ebûl Elxêt kir, û têde tekezî li ser rola giring a Komkara Erebî di gihiştina çareseriyeke siyasî û bidawîkirina azarên gelê Sûriyê kir.
Û Elmislit sipasiya xwe bo Komkara Dewletên Ereb li ser helwestên wê yên neguhêr derbarê doza gelê Sûriyê û berdewamiya piştgirî û piştevaniyê anî ziman, û diyar kir ku lidarxistina Lûtkeya Erebî li Cezayîrê derfeteke ji bo pêkanîna pêşketinan di dosya Sûriyê de ji bo piştgiriya veguhestina siyasî li gorî biryarên Netewên Yekbûyî bi awayekî ku daxwazên gelê Sûriyê yê hîn li hêviya piştgiriyeke cidî ye ji birayên xwe yên Ereb pêk bîne, daku gelê Sûriyê bigihêje azadî û mafên xwe.
Û Elmislit tekezî li ser pêwîstiya avakirina helwêsteke Erebî ya bihêz kir, ji bo bidawîkirina tirajediya gelê Sûriyê û pêkanîna veguhestina siyasî li gorî biryara 2254 ya Netewên Yekbûyî, û beşdarîkirina di kartêkerkirina dosya dadpirsîna rijêma Esed de, û vegerandina rola sereke ya Sûriyê, ji bo careke din tevlî hawirdora xwe ya Erebî bibe.
Û tekezî li ser giringiya rola siyasî û dîplomasî ya Komkara Dewletên Ereb ya ku dikare dosya çareseriyê li Sûriyê pêşde bibe kir, û beşdariyê di livandina civaka navdewletî û ya erebî ber bi cîbicîkirina biryarên Encûmena Ewlekariyê de bike.
Û cextî li ser giringiya rola Ereban ji bo rûbirûbûna destêwerdana leşkerî û siyasî ya Îranê û pirojeya wê ya xerab a ku pê hewl dide ku tevna civakî ya Sûriyê û navçeyê ji hev bixîne.
Û tekezî li ser giringiya berdewamiya dewletên ereb di cudakirina rijêma Esed û nehiştina rewakirin an nûavakirin an pejrandina wê di Komkara Erebî de kir, ji ber ku rewatiya wê nîne û nûneratiya Sûriyê û gelê wê nake.
Û Elmislit eşkere kir ku rijêma Esed bûye amûrek di destê Îranê de, û cîbicîkara projeyê wê ye, ew pirojeyê gef e ji dewletên Ereb yên bira re, û berdewam kir û got ku tiştê rijêma Esed dike xizmeta rijêma berferehîxwaz a Tehranê ye, yaku li ser bingeha piştgiriya kiryarên terorîstî û wêrankirinê ava bûye, di riya milîsên xwe yên mezhebî yên kîndar re, yên ku Îranê wan li gelek dewletên ereb belav dike, da ku ewlehî û aramiya wan têk bibin, û dît ku hizra vegerandina rijêma Esed bo Komkara Erebî di çi demê de be, tê wateya ku dê Îran nûnerê xwe deyne ser kursiyê Sûriyê di Komkarê de.
Û Elmislit amadebûna Hevbendiya Niştimanî ya Sûrî ji bo karkirina li gel hemû hewlên navdewletî û erebî nemaze li gel Komkara Dewletên Ereb anî ziman, daku xizmeta pêşdebirina piroseya siyasî li Sûriyê bike, û biryarên ku xizmeta doza gelê Sûriyê û dozên erebî û yên deverê dikin bistîne.
Û Tekez kir ku çareseriya siyasî takerê ye ji bo rawestandina êş û azarên gelê Sûriyê, û rêya garantîkirina yekîtî û serxwebûna xaka Sûriyê ye.
Jêder: Ofîsa Ragihandinê ya Hevbendiya Niştimanî ya Sûrî
