Rêxistina Doktorên Bêsînor, duh roja duşemê, hişyarî dan derbarê jiyana “tirajêdî” yaku zarok li kampa Holê li bakurê rojhilatê Sûriyê têde dijiîn, ji ber nebûna xizmetguzariyan û guhgdana tenduristî û zêdebûna tundûtûjiyê di kampê de.
Û Rêxistinê ji Hevpeymaniya Navdewletî ya bi serokatiya Waşinton û dewletên ku welatiyên wan di kampa ku ji aliyê milîsên PYDe ve tê birêvebirin de girtî ne xwest ku çareseriyên berdêl bibînin “di demekê de ku çi pêşketineke ku têra girtina wê kampê bike çênebûye” li gor ku rêxistin dibêje.
Û Rêxistina Bijîşkên Bêsînor di raporta xwe ya bi sernavê “Di navbera Du Agiran de” bal kişand ser ku 64% ji niştecihên kampê zarok in.
Û Rêvebirê Pirosesan di Rêxistinê de Martin Flukestra got: “Me gelek çîrokên trajîdî li ser zarokên ku ji ber derengiya wergirtina guhdana tenduristî ya pêwîst dimirin, û zarokin ku dema ku digihêjin 11 saliya xwe bi darê zorê ji dayikên wan têne veqetandin, bêyî ku tiştek li ser wan were zanîn dîtine û bihîstine” li gorî ku ajansa ragihandinê ya Firansî veguhastiye.
Ji aliyê xwe ve, Hevbendiya Niştimanî ya Sûrî daxwaza kar li ser pêşkêşkirina alîkariyên mirovî yên pêwîst û alîkariyên bilez bo sivikkirina azarên niştecihên kampê ji Netewên Yekbûyî û rêxistinên navdewletî kir, nemaze ku em nêzîkî demsala zivistanê dibin û piraniya nişteciyên kampê zarok in.
Hêjayî gotinê ye ku zêdetir ji 50 hezar kesî di kampa Holê de hene, û nêzî nîvê wan Îraqî ne, di nav wan de 11 hezar biyaniyên ku ji derdora 60 dewletî ne hene, û di beşekî taybet bi wan de dijîn, û niştecihên kapê di çûn û hatina xwe de ne azad in, bi taybet niştecihên di beşê biyaniyan de.
Jêder: Ofîsa Ragihandinê ya Hevbendiya Niştimanî ya Sûrî
