Hevbendiya Niştimanî ya Sûrî bal kişand ser ku di dema cîhan bi boneya Roja Cîhanî ya Zarokan şahyan li dar dixe de, zarokên Sûriyê hîn derdeseriya tirajîdiya ku ev yanzdeh sal in berdewam e ji ber tawankariya rijêma Esed û hevalbendên wê dermafê gelê Sûriyê dikşînin.
Û Hevbendiya Niştimanî di daxwiyaniya xwe de got ku zarokên Sûrî beşê civakê yê ku bêhtirîn ziyan lê bûye, ji ber tawanên rijêma Esed û hevalbendên wê, ku Tora Sûrî ya Mafên Mirovan kuştina ne kêmtir ji 29,894 zarokan li Sûriyê ji adara 2011an ve serhejmar kiriye, 182 kesan ji wan ji ber îşkenceyê canê xwe ji dest dan, û 5,162 zarok hîn di zindanên rijêmê yên bi navê Qesabxaneyên Mirovan naskirî de girtî ne, an bi kotekî binçavkirî ne, herwiha bisedhezaran zarok ji bajar û bajarokên xwe koçberî kampan bûne, bêyî ku guhdana pêwîst bi wan hebe.
Û daxwiyaniya Hevbendiya Niştimanî got ku gihîştina zarokan û tevaya gelê Sûriyê bo jiyaneke ewle û birûmet bê veguheztineke siyasî ya rasteqîn yaku dighê guhertineke berfireh li Sûriyê û sizakirina hemî tawanbarên cengê û di pêşî de serokê rijêma kujer pêk nayê.
û Hevbendiya Niştimanî cextiyê li ser pêwîstiya livekê ji aliyê dewletên xwedan bandor ve dike, da berpisyariyên xwe hember tiştê ku gelê Sûriyê bi giştî û zarokên wê bi awayekî taybet rastiyê tên hilgirin, ji ber ku dosya Sûrî gihaye vê astê ji encama berepêkan û astengkirina rijêma tawanbar û hevalbendên wê, ku li ser vê rewşê bi awayekî cidî wek tê xwestin û li gorî qebareya tawanên ji aliyê rijêmê ve pêk hatine û qebareya qurbaniyên mezin ji aliyê gel ve ranewestiyan.
Û Hevbendiya Niştimanî di daxwiyaniya xwe de tekez dike ku dê têkoşîna xwe li dijî tawanên dijminan bidomîne, ta ku gelê Sûriyê ji stemkarî û terorê rizgar bibe, û daxwazên gelê wê di avakirina Sûriyeke nû û demokrat de, yaku nirxên dadwerî û azadiyê têde bi ser bikeve pêk werin.
Jêder: Ofîsa Ragihandinê ya Hevbendiya Niştimanî ya Sûrî
