Human Rights Watch diyar kir ku hevpeymaniya rijêma Esed û Rusya bombeyên goşeyî yên qedexekirî di êrîşên li ser çar kampên derbideran li gundewarê Idlibê di 6ê mijdara 2022an de bikar anîn, û di encamê de heşt sivîl hatin kuştin û bidehan birîndar bûn, û di nav kuştiyan de jinek ducanî hebû, û herdûyan jî canê xwe ji dest dan.
Û Cîgirê Rêvebiriya rojhilata navîn di Human Rights Watch de Adam Coogl, di rapora saziyê de duh çarşemê, ya derbarê hevpeymaniya leşkerî ya rijêma kujer û Rusya, got ku hevpeymaniya leşkerî ya rijêma Esed û Rusya di bikaranîna çekên qedexekirî de dijî sivîlên ku li Sûriyê dorpêçkirî ne tevî encamên wan ên wêrankarî berdewam e, û cebilxaneyên goşeyî ne tenê îro ziyanê dighînin sûriyan, lêbelê dibe ku bombeyên biçûk yên neteqyayî ta demeke dirêj xelkê bikujin.
Û Coogl got ku divê hewlên navdewletî bibin yek ji bo biçespînin ku berdewamiya hovîtiyên li Sûriyê encamên wê yên xerab hene, û anî ziman ku bêsizakirin tenê dê êrişên neyasayî û komkujiyên zêdetir dermafê sivîlan çêbike.
Û Human Rights Watch hevdîtinek li gel heşt dîdevanên di kampan de li dar xist, û tevayan gotin ku êrîşên balefirên rijêma Esed û Rusya di katijmêra di navbera 6 û 7ê sibehê de pêk hat, û wê demê derbiderên kampê hîn razayî bûn, û yên dîtir di mizgeftê de bûn, û zarokan xwe ji çûna dibistanê re amade dikir.
Û berî bi demekê Berevaniya Sivîl a Sûrî tekez kiribû ku bi ser hejmara qurbaniyan ve, kampên ku ji hêla balefirên Rusya û rijêmê ve armanc bûne, rastî ziyanin mezin hatin, û têde 24 cih hatin ruxandin, û ziyanên mezin li 160 cihên dî bûn.
Û Hevbendiya Niştimanî ya Sûrî dîtibû ku bêdengiya civaka navdewletî derbarê komkujiyên ku sîstema tawankar li Sûriyê pêk tîne, rê ji vê sîstemê re xweş kir ku hîn bêhtir tawan û binpêkirinan dermafê sivîlên bêguneh li deverên rizgarkirî ji Sûriyê bi awayekî rolane pêk bîne, bêyî rêgirtina vebir ya jiyan û saxlemiya Sûriyan biparêze.
Û tekez kir ku bombebarankirina kampên derbideran tawaneke cengê ye, û daxwaza lidarketina civateke lezgîn ya Encumena Ewlekariyê kir, daku rêşûnên cezadanê dijî binpêkarên van komkujiyên berdewam dermafê gelê Sûrî bistîne, û tawanbaran siza bike.
Jêder: Ofîsa Ragihandinê ya Hevbendiya Niştimanî ya Sûrî
