Komîteya Partî û Şepêlên Siyasî ya Hevbendiya Niştimanî ya Sûrî, civînek li gel Partiya Niştimanî ya Dadmendî û Destûrê “we’id” li dar xist, û bi hev re li ser pêşhatên rewşa meydanî û siyasî û karê li ser pêşxistina partî û şepêlên siyasî yên Sûrî axivîn.
Û di hevdîtinê de Hevrêzkarê Komîteyê Ebdellah Gedo û Endamên Komîteyê Farûk Teyfor, Mihemed Elî Îsa, Mihemed Dizxêm Amade Bûn, û ji aliyê “we’id” ve Serokê Encumena Şarezayan di Partiyê de Amir Faris, Serokê Nivîsgeha Siyasî Hesen Wehod, Emîndarê Giştî yê Berê yê Partiyê Cihad Eletasî û Seroka Nivîsgeha Têkliyên Giştî û Ragihandinê Lîna Elxeyat û endamê Partiyê Emar Eles’ed amade bûn.
Û Hevrêzkarê Komêteya Partî û Şepêlên Siyasî Ebdellah Gedo, şiroveyek li ser karên Hevbendiya Niştimanî çi li ser asta meydanî an li ser dawîtirîn pêşhatên siyasî be pêşkêş kir, û li ser çalakiyên Komîteya Partiyan û nerîna karên wan yê dahatî axivî.
Û endamên Partiya We’id şiroveyek li ser workşopê û kongir û civatên ku pê radibin û pergala partiyê ya niha û dawîtirîn çalakiyên partiyê û karên wê li Sûriyê pêşkêş kirin.
Û amadebûyan asoyên pirosesa siyasî û dijwariyên ku rastî karê wê tên gengeşe kirin, û tekezî li ser pêwîstiya livandina dosya Sûrî û aktîvkirina pirosesa siyasî kir, û daxwaza cîbicîkirina biryarên navdewletî yên taybet bi Sûriyê û di pêşî de daxwiyaniya Cinêvê û herdû biryarên 2118 û 2254 kirin.
Û kesên amade li ser pêwîstiya karê hevbeş û amadekirina civatên şêwirdariyê bo nirxandina partiyên Sûrî û alîkariya di rahênankirin û pêşxistina kadroyên Sûrî li ser asta siyasî û diplomasî û karê partî û saziyan li hev kirin, her weha behsa karê li ser danîna kaxezekê ku têde armancên hevbeş di navbera Hevbendiya Niştimanî û Partiya We’id de û xurtkirina karê hevbeş li ser wê kaxezê kirin.
Jêder: Ofîsa Ragihandinê ya Hevbendiya Niştimanî ya Sûrî
