Tora Sûrî ya Mafên Mirovan rijêma Esed tometbar kir ku wê îsal 547 welatiyên Sûrî ji yên ku bi darê zorê di zindanên wê de hatibûn windakirin kuştine serjimar kiriye, û bal kişand ser ku rijêma Esed bi sedan kesên ku bi darê zorê winda bûne wek mirî tomar kirine, di nav wan de çalakvanên navdar ên tevgera gelêrî li dijî rijêmê hebûn.
Û Tora Sûrî di rapora xwe de diyar kir ku datayên miriyan ên li ba wê tomarkirî, ji sala 2018an heta dawiya sala 2021ê, gihişte nêzîkî 1062 kesan. Di heman demê de saziyê ji destpêka sala 2022an heta niha, 547 belgeyên mirinê yên nû yên ku dewletê malbatên wan agahdar nekirine bidest xistine, û derket ku ew di girtîgehan de mirine.
Û Raporê amaje bi wê yekê kir ku hejmara herî zêde ji 1609 kesên ku hatine tomarkirin ji aliyê hêzên rijêma Esed ve di sala 2012an de hatibûn girtin, piştre sala 2013an, piştre sala 2014an, ew jî ku salên herî diyar in ku mezintirîn pêla windakirina bi zorê di girtîgehên rijêma Esed de bûn.
Û raporê got ku di nav 1609 kesan de, 24 zarok, 21 jin û 16 kadroyên bizîşkî hebûn, û weke kesên mirî di saziya nifûsê de ji destpêka sala 2018’an heta mijdara 2022’an hatine tomarkirin.
Û nexşeya windayan ya hejmara 1609 kesên wek mirî di saziya nifûsê de hatine qeydkirin, piraniya wan ji Parêzgeha Gundewarê Şamê, paştre Humsê, piştre Hemayê, paşê Hesekê bûn, û li gorî cihê datayên saziyê gundewarê Şamê di serê lîstê de bû.
Û Raporê diyar kir ku mîkanîzma tomarkirina kesên bi darê zorê ji aliyê rijêma Esed ve weke mirî hatine jimartin bêyî ku hayê malbatên wan jê hebe, diyar dike ku ev rijêmeke faşîst e, bi rêbazên hovane bi welatiyên Sûriyê re dide û distîne, û hemû rewişt û yasa binpê kirine.
Û Raporê destnîşan kir ku hêzên rijêma Esed bi stratejiyeke windakirina bi darê zorê, her kesê ku bi tevgera gel a li dijî desthilatdariya malbata wî re têkildar e armanc kir, û ev nîşana siyaset û rêbazeke pîlankirî ye.
Û rapora Tora Mafên Mirovan pêşniyar kir ku civaka navdewletî karekî lezgîn ji bo rizgarkirina girtiyên mayî berî ku ji ber îşkence û şert û mercên xirab li navendên binçavkirinê bêne kuştin bike, û gavên cidî ber bi pirosesa guhertina siyasî ve bavêje, ji bo rizgarkirina gelê Sûriyê ji dîktatorî û stemkariyê.
Jêder: Ofîsa Ragihandinê ya Hevbendiya Niştimanî ya Sûrî
