Desteya Siyasî ya Hevbendiya Niştimanî ya Sûrî civîna xwe ya rolane herdû rojên çarşem û pêncşemê bi serpereştiya Serokê Hevbendiya Niştimanî Salim Elmislit li dar xist, û pêşhatên rewşa meydanî û siyasî gengeşe kirin, û li raportên karê ofîs û rêveberî û komîteyan guhdarî kir.
Û Serokê Hevbendiya Niştimanî di şiroveya xwe de li ser serdana xwe ya Berlînê paytexta Almaniyayê û hevdîtina bi berpirsên Wezareta Derve ya Almanî re axivî, û behsa encamên civînê û dosyayên ku hatin gotûbêjkirin bi taybetî kartêkerkirina piroseya siyasî û cîbicîkirina biryara navdewletî ya 2254 û serbestberdana girtiyan û eşkerekirina çarenivîsa kesên bi kotekî hatine binçavkirin kir, her weha dosyeya derbaskirina Alîkariyên mirovî ji kesên hewcedar re.
Û Elmislit tekezî li ser rola giring ya Almanya û Yekîtiya Ewropayê di dosyaya Sûriyê de ji bo gihîştina çareseriyeke siyasî li Sûriyê ya ku daxwazên gelê Sûriyê di azadî, rûmet û demokrasiyê de pêk bîne, kir.
Û Cîgira Serok Ruba Hebûş raportek li ser kar û çalakiyên Desteya Jinê ya Sûrî pêşkêş kir, bi taybetî kongirê dawî yê derçûna jinên ku di warê siyasî de rahênan bûne, her weha lidarxistina civîneke diyalog û gotûbêjê li ser beşdariya jinên Sûrî di parlemanê û yasayên ku piştgiriya wan dikin de.
Û Amadekaran guhdarî kurteşiroveya Emîndarê Giştî Heysem Rehmê ya li ser pêşketina kar di Emîndariya Giştî de kirin, û raporên kar û çalakiyên hemû beşan berçav kirin, her weha raporta meydanî ya ji aliyê Komîteya Girêdanên Leşkerî ve derbarê pêşhatên rewşa meydanî û leşkerî hate pêkêşkirin.
Jêder: Ofîsa Ragihandinê ya Hevbendiya Niştimanî ya Sûrî
