Tîma Hevrêzkarên Bersivdanê ya Sûrî, daxwaza berfirehkirina Helmetên bersivdana mirovî ji rêxistinên mirovî yên ku li deverên rizgarkirî kar dikin kir, di dema ku hemû derbider ji ber bihabûna nirxê keresteyên xwarinê nikarin pêdiviyên jiyanê yên bingehîn dabîn bikin.
Û daxwiyaniya tîma Hevrêzkarên Bersivdanê, got ku jiyana zarok û jinan di kampan de hîn tirajîdî ye, nemaze ku dijwartirbûna sermê û ketina qeşayê jiyana wan dixin metirsiyê de.
Û daxwiyaniyê got ku piraniya derbideran li kampên ku pêdawîstiyên germkirinê li wan peyde nabin dijîn, her weha gelek ji çadirên wan kevn û rizyayî ne ji encama bandora seqayê, û ev yek dihêle ku gelek ji zarok û kal û pîran bi sermayê bikevin û nexwaşiyên sîngê û yên çerm li wan peyda bibin, û tirs heye ku mirin di nav derbideran nemaze zarokan de ji ber sermayê çêbibe.
Û Daxwiyaniyê amaje bi wê yekê kir ku gelek ji derbideran nikarin vegerin warên xwe yên resen ji encama wêranbûna malên wan li ser destê hêzên rijêma Esed û Rusya, her weha nebûna jêrxana bingehîn a xizmetguzariyan û nbûna aramî û ewlehehiyê .
Ji aliyê xwe ve, Hevbendiya Niştimanî ya Sûrî daxwaza dabînkirina pêwîstiyên derbider û koçber û nişteciyên kampan kir, nemaze piştî dijwarbûna sermayê û kambaxbûna rewşa mirovî, û tekez kir ku divê pêşindeya saziyên mirovî, piştgiriya beşên herî hewcedar ji gelê Sûriyê be.
Û Hevbendiyê hêviya xwe anî ziman ku rêxistinên mirovî alîkariyên xwe pêşkêşî nişteciyên kampan bikin, di rêya dabînkirina pêdiviyên zivistanê û pêdawîstiyên germkirinê û çaksazkirina torên kanalîzasyonê yên xerabûyî, ji bo rûbirûbûna vê zivistanê û sermaya wê ya dijwar.
Jêder: Ofîsa Ragihandinê ya Hevbendiya Niştimanî ya Sûrî
