Desteya Siyasî ya Hevbendiya Niştimanî ya Sûrî, civîna xwe ya rolane bi Serokatiya Serokê Hevbendiya Niştimanî Salim Elmislit li dar xist, têde behsa pêşhatên rewşa meydanî û siyasî di doseya Sûriyê de kir.
Û amadebûyan daxwiyaniya Emanê gotûbêj kir, û tekez kirin ku perçe-çare di doseya Sûriyê de nayên pejrandin, û çareya dosya Sûriyê tenê bi cîbicîkirina biryarên navdewletî yên têkildarî rewşa Sûriyê ye, bi taybetî Daxwiyaniya Cinêvê û biryara 2118 û ya 2254.
Û amadebûyan cextî li ser redkirina tam ji bikaranîna bobelata erdheja wêranker û rewşa mirovî ya dijwar li Sûriyê wek deriyekî û bihaneyekê bo normalkirina têkliyan li gel rijêma Esed û hewldana dubarekirina nûbiserxistina wê kirin.
Û amadebûyan di civînê de biryara girtinê ya ji aliyê Dozgerê Dadgeha Tawanan ya Navdewletî ve li dijî Serokê Rusyayê Vladîmîr Pûtîn hatiye dayîn gengeşe kirin, û tekezî li ser pêwîstiya standina pêngaveke mîna wê dermafê tawakar Beşar Esed ji ber ku tevlî cenga Okranyayê bûye kirin, her weha li ser tawanên wî yên hovane dermafê gelê Sûriyê axivîn.
Û endamê Desteya Siyasî Ehmed Tu’hmê şiroveyek li ser hevdîtina ku di Wezareta Berevaniyê di Hikûmeta Sûrî ya Demkî de bi amadebûna Serokê Hikûmeta Demkî Ebdilrihman Mustefa û rûsipiyên bajarokê Cindirêsê û mervên qurbaniyên Tawana ku di hefteya bûrî de li bajêr pêk hatiye li dar ketibû pêşkêş kir, û têde amadebûyan tekezî li ser giringiya çespandina pirensîpa serdestiya yasayê da ku mafê welatiyan bê parastin kirin.
Jêder: Ofîsa Ragihandinê ya Hevbendiya Niştimanî ya Sûrî
