Desteya Siyasî ya Hevbendiya Niştimanî ya Sûrî, civîna xwe ya rolane di rojên çarşem û pêncşemê de li dar xist, û pêşhatên rewşa meydanî û siyasî li Sûriyê gengeşe kirin, û giringî da binpêkirinên desthilata Libnanê dermafê penaberên Sûrî yên li ser axa wê, di riya sepandina vegerandina bi darê zorê ji bidehên malbatan re, piştî lêdan û riswakirin û lidervehiştina wan li ser sînorê Libnan-Sûriyê.
Û amadebûyan cextî li ser pêwîstiya ku Netewên Yekbûyî bi tevgereke cidî, ji bo rawestandina helmetên dersînorkirina bi darê zorê ji penaberên Sûrî re li Libnanê rabe, ji bo nehiştina pêkanîna tawanan dermafê wan, ji ber ku berê operasyonên dersînorkirinê pêk hatine, û rijmê xelk girtine û ew di girtîgehên xwe de kuştine.
Û Desteya Siyasî tekez kir ku vegera penaberan bi cîbicîkirina biryarên navdewletî yên têkildarî pirsa Sûriyê ve girêdayî ye, û di pêşî de daxwiyaniya Cinêvê û biryarên 2118 û 2254, û pêkanîna veguhestineke siyasî ya tam li welat, ya ku jîngeheke ewle û serbixwe dabîn dike û rê li ber vegera bi dilxwazî û ewle ji penaberan re vedike.
Û amadebûyan pêşhatên rewşa Sûdanê û pêwîstiya berdewamiya pêwendiyan li gel hemû dewletên ku karin alîkariyê bikin di derxistina sûriyên ku li wir asê mane, û niha di nava taxên Xertûmê yên pevçûn li wan heye de dorpêçkirî ne, gotûbêj kirin.
Û Cîgirê Serok Ebdilehed Istêfo, şiroveyek li ser çalakiyên Ofîsa Pêwendiyên Derve derbarê amadekariyên berdewam ji bo pêkanîna hejmarek ji serdanan bo paytextên Ewropayê û pêkanîna hevdîtinan bi çêkerên biryaran re, her weha raportek li ser serdana Şandeyê Hevbendiya Niştimanî bo herdû bajarên Girê Sipî û Serê Kaniyê bo dîtina kêşeyên xelkê li herdû bajaran, pêşkêş kirin.
Û Emîndarê Giştî Heysem Rehmê ravekirinek derbarê rêveçûna karê Emîndariya Giştî pêşkêş kir, û li ser rewşa penaberên Sûrî li Libnanê di nav keş û hewaya nijadperestiyê ya ku tûşî wê bûne û helmetên dersînorkirina bi darê zorê berve deverên di bin kontirola rijêmê de, axivî.
Û endamê Desteya Siyasî û Hevrêzkarê Ofîsaa Lêkolînên Stratîjîk Ehmed Tu’mê, xwendinek siyasî li ser vegerandina peywendiyên Erebistana Siûdî û Îranê û hevdîtina çaralî li Moskoyê, pêşkêş kir.
Jêder: Ofîsa Ragihandinê ya Hevbendiya Niştimanî ya Sûrî
