Cîgira Serokê Hevbendiya Niştimanî ya Sûrî Ruba Hebûş, tekez kir ku lihevkirina tevayî li ser vegera rijêma Esed bo nav Komkara Erebî û asayîkirina têkliyan pêre çênebûye, û matmayîna xwe ji binpêkirina Komkara Erebî ji rêzikên ku Komkar li ser ava bûye re anî ziman.
Û Hebûş di daxwiyaniyin taybet de, îro Sêşemê, got ku helwest û dengên cihê serbilindiyê hene, bawer in bi piştgiriya mafê gelê Sûriyê yê azadî û rûmetê û daxwazên wî yên ji bo paşerojeke geş a ku dadmendî û wekhevî têde serdest be.
Û Hebûş amaje bi wê yekê kir ku Hevbendiya Niştimanî pabendiyê bi bijardeya gelê Sûriyê û daxwazên wî yên mafdar û rewa di pêkanîna veguhestina siyasî ya temam de li welat û bidawîkirina stemkariyê û damezrandina qonaxeke nû ya ku gel têde xwe birêve bibe û xwediyê biryara xwe be dike.
Û Hebûs pesnê helwesta dewleta Qeter, Kuwêt û kesayetiyên Ereb ên dilsoz û wefadar û helwestên Amerîkayê û Yekîtiya Ewropî yên ku vegera rijêma Esed bo Komkara Erebî û asayîkirina têkliyan pêre red dikin, da.
Û Berdevkê Wezareta Derve ya Qeterê Macid kurê Mihemed Elensarî, tekez kir ku helwesta welatê wî ji asayîkirina têkliyan li gel rijêmê “nehatiye guherîn”, û got ku asayîkirina têkliyan bi rêjîmê re berî hertiştî bi pêşketina çareseriya siyasî ya ku bigihêje pêkanîna daxwazên gelê Sûriyê ve girêdayî ye.
Û Elensarî got ku divê rijêm “kokên krîza ku bû sedema birrîna têkiliyan pêre çareser bike, û kar ji bo avêtina gavên erênî ber bi çareserkirina pirsgirêkên gelê Sûriyê bike.
Û Serokê Partiya Sosyalîst a Pêşverû Welîd Cumbilat jî pirsî û got: “Gelo wan ji gelê Sûriyê pirsiye ku ew dixwazin vegerin hembêza Ereban an na? bêguman bersiv na ye.”
Û Cumbilat Komkara Erebî bi gemiya Tîtanîk şiband, ya ku ev gel têde ye û berê wî dide noqbûneke neçarî, û tekez kir ku vegerandina Şamê bo nav Komkara Erebî rewatiyê dide riftarên rijêma Esed.
Û Rêberê Durzî amaje bi wê yekê kir ku kesên li Sûriyê ji îşkence, zindan û koçberiyê rizgar bûne, hembêza welat li wan xwedî dernakeve, û ji Komkara Erebî pirsî û got: “hûn kengî bi gelan şêwirîne?” derbarê çarenvîsa wan.
Jêder: Ofîsa Ragihandinê ya Hevbendiya Niştimanî ya Sûrî
