Serokê Hevbendiya Niştimanî ya Sûrî Salim Elmislit, li Biroksilê, ligel Şanderê Holendî yê taybet bo Sûriyê Jess Khairlach civiya, û pêre pêşhatên dawî yên siyaseta navdewletî û herêmî yên têkildarî rewşa Sûriyê gotûbêj kirin.
Di civînê de, ji bilî serokê Hevbendiya Niştimanî, cîgirê serok Ebdilehad Stêfo û endamê desteya siyasî Mihemed Yihya Mektebî amade bûn.
Û Elmislit spasiya Holanda kir li ser piştgiriya ku di van rewşên dijwar de ji gelê Sûriyê re pêşkêş dike, û bal kişand ser pêwîstiya ku piştgiriya Ewropî bê cudahî bigihêje hemû navçeyên Sûriyê, tevlî kesên hewcedar li deverên rijêmê, û tekezî li ser giringiya şopandina alîkariyên Netewên Yekbûyî û pirkirina wan kir.
Û Elmislit bal kişand ser pêvajoya siyasî ya rawestyayî ji ber serhişkiya rijîmê, û tekezî li ser pêwîstiya pêşveçûna di cîbicîkirina biryarên navdewletî yên têkildarî karûbarên Sûriyê, bi taybet daxuyaniya Cinêvê û biryara 2254 kir.
Û Elmislit bal kişand ser ku rijêma Esed bi sedên komkujîuan dermafê gelê Sûriyê pêk anîne, nemaze komkujîya serdemê ya bi çekên kîmawî li Xûtaya Rojhilat pêk anî.
Û nûnerê holendî ji aliyê xwe ve, tekezî li ser hersê “na”yan kir. Na ji asayîkirina têkiliyan re, na ji nûavakirinê re û na ji hilanîna sizayan ji ser rêjîmê re, eger ew bi awayekî kartêker tevlî çareseriya siyasî nebe, û amaje kir ku ew dê berdewam bin di alîkariya gelê Sûriyê de ta bighêje çareseriyeke siyasî ya daxwazên wî pêk bîne.
Şanda hevbendiyê tekezî li ser berdewamiya xurtkirina kar û pêkanîna hevdîtinan bi berpirsên welatên ewropî re kir, herweha li ser pêdviya peywendiyan bi aliyên navdewletî re ji bo rawestana li ser rewşa penaberên Sûrî yên li Libnanê, û kiryarên dijî wan tên pêkanîn wek dersînorkirina bi darê zorê ya ku jiyana wan dixe metirsiyê de, da welatên Ewropayê fişaran li desthilata Libnanê bikin ji bo kiryarên xwe yên dersînorkirina kotekî rawestînin.
Jêder: Ofîsa Ragihandinê ya Hevbendiya Niştimanî ya Sûrî