Çalakvanin Sûrî, dest bi helmeteke gelêrî dijî normalkirina têkliyan li gel rijêma Esed ya tawankar û biryara vegerandina wê bo nav Komkara Erebî kirin, û têde tekezî li ser redkirina biserxistina rijêmê û berdewamiya şoreşê ta rûxandina rijêmê û sizakirina berpirsên wê yên gendel kirin.
Û helmeta ku di bin durişma “Esed ê Tawankar Nûnertiya Sûriyê Nake” de dest pê kiriye, ji çend rojan de amadekariyan ji bo xwepêşandanên şoreşgerî yên mezin ên îro înê li seranserî deverên rizgarkirî dikin, her weha ji bo lidarxistina çalakiyên şoreşgerî li hejmarek ji dewletên Ewropî.
Û çalakvanan xelkê şoreşa Sûrî han dan li ser daketina meydanan ji bo redkirina normalkirina têkliyan li gel rijêma Esed, û ji bo derbirîna nerînên xwe yên redkirina biserxistina Esed an normalkirina têkliyan pê re bikin, û ji bo vegerandina rijêma ku gelê Sûriyê kuştiye û xerabtirîn komkujî dermafê wî pêk anîne bo Komkara Dewletên Erebî şermezar bikin.
Ji aliyê xwe ve Hevbendiya Niştimanî ya Sûrî di daxwiyaniyeke xwe de redkirin û nerazîbûna xwe ji biryara vegerandina rijêma tawankar bo nav Komkara Erebî re anî ziman, û tekez kir ku ev biryar tê wateya destberdana ji piştgiriya gelê Sûriyê û daxwazên wî yên rewa, û ev yek windakirin e ji qurbaniyên wî ên mezin re, yên di 12 salên şoreşa li dijî zordarî û teror û stemkariyê de dane, û ev biryar alîgiriyeke eşkere ji berjewendiyên tawankaran re ye.
Û Hevbendiya Niştimanî daxwaza pêwîstiya veguhestina siyasî ya tam li Sûriyê li gor biryara navdewletî 2254 û radestkirina Esed û tawankarên rijêma wî bo dadpirsîn û dadgehkirinê kir, û cext kir ku her destpêşxeriyek li derveyî çarçoveya biryara navdewletî, zîvirîn e li daxwazên gelê Sûriyê, û alîgirî ye ji rijêma Esed ya tawankar re, û wek xweradestkirinê ye ji rijêmê û hevalbendên wê re.
Jêder: Ofîsa Ragihandinê ya Hevbendiya Niştimanî ya Sûrî
