Hevrêzkarê Ofîsa Karûbarê Penaberan ya Hevbendiya Niştimanî ya Sûrî, Selîm Îdrîs, rapora Ofîsê di civata Desteya Siyasî ya îro çarşemê li dar ket de, pêşkêş kir, têde bal kişand ser berdewamiya desthilatên Libnanê di helmetên xwe yên nijadperestî yên dijberî yasayên navdewletî dermafê penaberên Sûrî de.
Û Îdrîs di raporê de amaje bi wê yekê kir ku derbarê operasyonên dersînorkirina sûriyan ya dijberî yasayên navdewletî, Ofîsê nameyek ji Serokê Hevbendiya Niştimanî re şand, têde jê xwest ku peywendiyan bi aliyên navdewletî û herêmî re pêk bîne, ji bo Libnanê neçar bikin li ser rawestandina radestkirina kesên ji aliyên rijêma Esed ve daxwazkirî ne.
Û rapora Ofîsê behsa derdeseriyên penaberên Sûrî ji aliyê pizîşkî û tenduristî ve li Libnanê, yên ji ber girtina nexweşxane û kilînîkên ku sûriyan bi piştgiriya saziyin xêrxwazî û aliyin piştevan rêvebirina wan dikirin kir, û derbarê rewşa penaberan li Herêma Kurdistana Îqaqê, raporê bal kişand ser ku heman pirsgirêkên berê li wê derê berdewam in.
Û raporê bal kişand ser ku hejmarek ji saziyan yekîneyên niştecihbûnê yên bêtonî li Idlibê amade kirine û derbider ji çadiran birine wan, û bal kişand ser mana hejmarek hindik ji kampên bêserûber li Idlibê, lê hîn hejmara kampên bêserûber li deverên rizgarkirî yên dîtir ên bakurê Sûriyê mezin e.
Jêder: Ofîsa Ragihandinê ya Hevbendiya Niştimanî ya Sûrî
