Tora Sûrî ya Mafên Mirovan di rapora xwe ya heyvane de, kuştina 42 sivîlan li Sûriyê di heyva gulana 2023an de tomar kiriye, 7 zarok, jinek û şehîdek di bin îşkenceyê de di nav wan de hene. Û raporê bal kişand ser pêkanîna komkujiyekê, 7 sivîl têde bûne qurbanî, 5 zarok û jinek di nav wan de hene.
Û parêzgeha Derayê, ji aliyê hejmara qurbaniyan de, di serê lîsteyê de bû di nav tevaya parêzgehên dî de, bi rêjeya nêzî 48% ji hejmara kuştiyan di heyva gulanê de, di pey re parêzgeha Elsiwêda hat bi nêzîkî 17%, piştre parêzgehên Heleb û Dêra Zorê bi 12% ji hejmara kuştiyan di heyva gulanê de.
Û raporê amaje bi wê yekê kir ku qurbaniyên sivîl ji ber mayînan li parêzgeh û deverên cuda yên Sûriyê berdewam in, û raporê kuştina 6 sivîlan belge kiriye, û hejmara kuştiyên ji ber mayînan ji destpêka sala 2023an ve gihîştiye 83 sivîlan, di nav wan de 16 zarok û 7 jin hebûn.
Û raporê tekezî li ser pêwîstiya rawestandina bombebarankirina bêserûber û armanckirina cihên niştecihbûnê, nexweşxane, dibistan û bazaran ji hêla rijêma Esed ve kir, her weha rawestandina îşkencekirina ku bûye sedema mirina bihezaran welatiyên Sûrî di navendên girtinê de, û biryarên Encumena Ewlekariyê ya Netewên Yekbûyî û yasaya ûrfî û ya mirovahî bi cih bîne.
Û Tora Mafên Mirovan di rapora xwe de daxwaz ji Encûmena Ewlekariyê kir ku rêşûnin din bistîne piştî derketina biryara hejmar 2254, û cextî li ser pêwîstiya şandina dosyeya Sûriyê bo Dadgeha Tawanan ya Navdewletî û dadpirsîna hemû kesên ku destê wan di tawanên dijî mirovajiyê û tawanên cengê de heye kir.
Jêder: Ofîsa Ragihandinê ya Hevbendiya Niştimanî ya Sûrî
