Tora Sûrî ya Mafên Mirovan, di rapora xwe ya îro roja înê derketiye de, anî ziman ku wê ne kêmtir ji 226 haletên girtina kotekî di heyva bûrî de belge kirine, û amaje kir ku wê di heyva adara bûrî de bilindtirîn rêjeya girtinê ya li ser destê rijêma Esed di sala 2023an de tomar kiriye.
Û Tora Mafnasî di rapora xwe de, dît ku sedema bilindbûna hejmara operasyonên girtinê yên ku rijêma Esed pê rabûye ew e, armanckirina penaberên ku ji Libnanê hatine dersînorkirin, û sivîlên ku li gor yasaya taybet bi tawanên agahdariyan.
Û raporê di heyva gulana bûrî de, ne kêmtir ji 226 haletên girtinê ên ku 6 zarok û 11 jin di nav de hene tomar kirin, û got ku rewşa 179 kesan ji wan bûye binçavkirina kotekî, û ji wan girtiyan 108 li ser destê rijêma Esed bûn, du jin di nav wan de hebûn, û 32 kesên ku 3 zarok û jinek di nav wan de hebûn li ser destê milîsên PYDe hatine girtin, belge kiriye, û raporê girtina 47 kesên ku du zarok û jinek di nav wan de hebûn li ser destê Heyet Tehrîr Elşam, her weha 39 kesên ku zarokek û 7 jin di nav wan de hebûn ji aliyên hêzên leşkerî yên dîtir ve hatine girtin, tomar kir.
Û raporê amaje bi wê yekê kir ku hîn nêzîkî 135253 girtiyan li bal rijêma Esed hene, û bal kişand ser ku mersûmên lêborînê yên ji hêla rijêmê ve derdikevin, hejmareke pir biçûk ji girtiyan serbest berdide, di dema ku operasyonên girtina kotekî rêbazekî berfireh e û rijêm hîn di operasyonên girtina kotekî û binçavkirinê de berdewam e.
Û raporê belavbûna haletên girtina kotekî di heyva bûrî de li gorî parêzgehan berçav kirin, û diyar kir ku li gorî zanyariyan rêjeya herî bilind ji haletên girtinê para parêzgeha Helebê bû, di pey re gundewarê Şamê, piştre Idlib û di pey re parêzgeha Şamê piştre Dêra Zorê û paşê Humsê û Deraa, û li dawiyê parêzgeha Hemayê hat.
Û Tora Mafnasî di rapora xwe de ji Encumena Ewlekariyê ya Navdewletî xwest ku cîbicîkirina biryarên ji aliyê wê ve derketine nemaze hejmarên 2042, 2043 û 2139 bişopîne, û cextî li ser pêwîstiya serbestberdana zarok û jinan û rawestandina girtina malbat û dostan wek girewên cengê kir.
Jêder: Ofîsa Ragihandinê ya Hevbendiya Niştimanî ya Sûrî
