Endamê Desteya Siyasî ya Hevbendiya Niştimanî ya Sûrî, Ebdulmejîd Berekat, got ku em di opozisyona fermî de bi nûneratiya Hevbendiya Niştimanî û Desteya Danûstandinê ya Sûrî, bi erênî li her tevgereke girêdayî dosya Sûriyê dinêrin, dema di çarçoveya çareya navdewletî de be, û ava rawestayî bilivîne, û dosya Sûriyê vegerîne lîsteya pêşindeyan.
Û Berekat di daxwiyaniyin taybet de ji televîzyona Sûriyê re, got ku ev tevger hemû ji ber nerînên navdewletî yên nakok ji dosya Sûriyê re ne, û amaje bi wê yekê kir ku tevî hewldanên mezin ên ku ew dewlet pê radibin, lê hîn negihiştine qonaxa avakirina nêrîn û vîneke rasteqîn.
Û Berekat bal kişand ser ku Hevbendiya Niştimanî di rêya hemû civînên navdewletî yên ku pêk tîne, bizavê bo roleke rasteqîn ber bi cîbicîkirina çareseriyê li gor biryarên navdewletî û di pêşî de veguheztina siyasî dike, û got ku razîbûna tenê bi daxwiyaniyan ti serkeftineke berbiçav li Sûriyê pêk nayne.
Û Berekat cext kir ku çênabe danûstandin li gel dosyaya Sûriyê di çarçoweya mirovî de bimîne, û rola Ewropayê di Sûriyê tenê di aliyê mirovî de be, û da zanîn ku dosyayên dîtir hene û giringiya wan ji dosyaya mirovî nekêmtir e, wek dosya girtiyan û pêwîstiya serbestberdana wan.
Û Berekat hemû bizav û hewlên ji bo dosyaya Sûriyê hatine kirin, eger bikevin rêya cîbicîkirina biryarên navdewletî de, bilnd nirxandin, lê got ku ev mijar pêwîstî bi liveke siyasî ya rasteqîn heye, û ne tenê di warê daxwiyaniyan de bimîne, û tekez kir divê danûstandina bi çareseriyan re li Sûriyê siyasî be, ne tenê nêzîkatiyeke mirovahî ye, û divê tevgera siyasî li gel hemû tevgerên din bimeşin û bi wan re hemaheng bin.
Jêder: Ofîsa Ragihandinê ya Hevbendiya Niştimanî ya Sûrî
