Hevbendiya Niştimanî ya Sûrî, xweşhaliya xwe anî ziman derbarê doza hevbeş a Holenda û Kenedayê li dijî rijêma Esed di Dadgeha Dadweriyê ya Navdewletî de, ya ji bo dadgehkirina wê Ii ser tawanên îşkencekirinê yên dermafê Sûriyan pêk anîne, û bikaranîna çekên kîmawî û girtin û binpêkirinên mezin dijî mafên mirovan, û Hevbendiya Niştimanî ev destpêşxerî bilind dinirxand, û bal kişand ser girîngiya pêngavên bi vî awayî tevî derengmayîna wan.
Û Hevbendiya Niştimanî di daxwiyaniyeke xwe ya derbarê doza hevbeş a Holenda û Kenedayê li dijî rijêma Esed de got ku tawanên ku ji hêla rijêma Esed û hevalbendên wê ve pêk hatine bêhejmar in, û bal kişand ser ku tawanên rijêma Esed û hevalbendên wê pêk anîne ji Sûriyan re bîrdankeke tijî mirin û trajedya ye.
Û Hevbendiya Niştimanî di daxwiyaniya xwe de got ku ev tawan bi derbasbûna demê re nayên lêbûrînkirin, û rijêma Esed hîn jî tawan li pey tawanê dermafê sûriyan pêk tîne.
Û Hevbendiya Niştimanî hemû hewlên navdewletî yên kartêker ên dikevin xizmeta dosya dadpirsîna rijêma Esed li ser bihezaran tawanên cengê yên ku dermafê xelkên bêguneh li Sûriyê pêk anîne, bilind nirxandin, û tekez kir ku divê civaka navdewletî rêşûnên vebir ji bo dadgehkirina vê rijêmê bistîne, û mafê bimelyonan qurbanî vegerîne, û veguhestina siyasî li Sûriyê li gor biryara 2254 pêk were.
Hêjayî gotinê ye ku Keneda û Şahneşîna Holendayê daxwaznameyeke hevbeş dijî rijêma Esed li pêşiya Dadgeha Dadweriyê ya Navdewletî derbarê binpêkirinên rijêmê ji Peymana dijî Îşkenceyê re, pêşkêş kirin, û di nav van binpêkirinan de bikaranîna çekên kîmawî ji aliyê rijêma Esed ve.
Û herdu dewletan daxwaznameyek pêşkêş kirin ji bo destnîşankirina dema tedbîran li gorî xala 41emîn a destûra Dadgehê û bendên 73, 74 û 75 ên rêziknameya dadgehê, “ji bo parastina mafan li gorî Peymana Dijatiya Îşkenceyê ya ku rijêma Sûriyê bi awayekî berdewam binpê dike, û parastina giyanê kesan û saxlemiya laşî û hişî li Sûriyê, ji yên ku niha tûşî wan kiryaran dibin an heye ku rastî metirsiya îşkenceyê an awayên danûstandina tundûtûj an ya nemirovane an riwakirinê an sizadanê werin”.
Jêder: Ofîsa Ragihandinê ya Hevbendiya Niştimanî ya Sûrî
