Endamê Hevbendiya Niştimanî ya Sûrî Eymen Elasimî, hişyarî da derbarê ku hêzên rijêma Esed û milîsên terorist ên Îranî komkujiyeke mezin dermafê sivîlan li bajarê Tefes li gundewarê rojavayê Deraa pêk bînin, û daxwaza bizaveke erebî û navdewletî bo rawestandina êrîşa ku rijêma Esed û Îran xwe jêre amade dikin kir.
Û Elasmî îro Pêncşemê di daxwiyaniyin taybet de, bal kişand ser wê yekê ku piştî wergirtina rijêmê û milîsên Îranê ji xelatên bêberamber e ji hin dewletên erebî, ew vegeriyane hewla berfirehkirina leşkerî, û cext kir ku stratejiya rijêmê û Îranê diyar e, û ew giringiyê didin desteserkirina hemî deveran di rêya pêkanîna komkujiyan dermafê sivîlan re.
Û Elasimî got ku gelê Sûriyê, piştî çend salan ji êrîşên berdewam ji aliyê hêzên rijêma Esed û milîsên mezhebî ve, û koçberkirina berdewam di riya operasiyonên wan ên leşkerî re, êdî nema dikare careke dî barên encamên koçberiyê hilgire.
Û Hêzên rijêma Esed bombebarana xwe li ser bajarê “Tefes” li gundewarê Deraayê di çend demjimêrên bûrî de tundtir kirine, wek amadekariyê bo derbasbûna wî, di dema belavbûna tirsê di nav sivîlên bajêr de, ji ber ku pevçûn gihane nêzî taxên bajêr, û bidehên sivîlan ber bi bajarên derdorê de derbider bûne.
Û li gorî jêderên xwecihî, hêzên rijêmê bi topên tank û mûşekan û tirimbêlên Şîlka, taxên bajarê Tefesê yên başûr topbaran kirin, û pevçûn di nav Hêzên rijêmê û girûpek ji nişteciyên bajêr de derketin, di hewildanekê de ji aliyê nişteciyan ve ku li hember êrîşên rijêmê derkevin, û di encamê de du kes ji xelkê bajêr hatin kuştin.
Û di çend rojên bûrî de, pişgiriya leşkerî ji Hêzên rijêmê re hatiye derdora bajarê tefesê, tang û zerîpoş di nav wan de hene, wek amadekariya girtina ser bajêr.
Jêder: Ofîsa Ragihandinê ya Hevbendiya Niştimanî ya Sûrî
