Desteya Siyasî ya Hevbendiya Niştimanî ya Sûrî, îro Pêncşemê, civîna xwe ya rolane li dar xist, û têde pêşhatên meydanî bi taybetî gurkirina leşkerî li Deraayê û dawîtirîn pêşketnên siyasî û di nav de berdewamiya tevgerên asayîkirina têkliyên erebî bi rijêma Esed re gotûbêj kirin.
Û amadebûyan behsa bandora yaxîya hêzên Wagner li ser hebûna Rusya li Sûriyê kirin, her weha helmeta ji bo dabînkirina mafên qurbaniyên gemiya binavbûyî li peravên Yonanistanê, ya ku ji aliyê malbatên qurbaniyan ve hatiye destpêkirin.
Û Endamên Desteya Siyasî hişyarî dan ji bandora gurkirina leşkerî ya hêzên rijêmê li başûrê Deraayê, û tekezî li ser stratejiya rijêmê û milîsên Îranî ji bo destdanîna ser erdan û pêkanîna tawanan dermafê sivîlan li deverê kirin.
Û Endaman tekez kirin ku berdewamiya pêlên asayîkirina têkliyan bi rijêma Esed re xizmetê ji doza gelê Sûriyê re nake, nejî xizmeta dewletên ku têklî bi rijêmê re normal kirine dike, lê dê çira kesk bide rijêmê ji bo temamkirina stratejiya xwe, û gurkirina leşkerî ya nû li Deraayê diyartirîn nîşana wê yekê ye.
Û Hevrêzkarê Ofîsa Lêkolînên Stratejîk Ehmed Tu’me, lêkolînek li ser civînên Astînayê yên vê dawiyê û çarenivîsa wan, û laşê ku ji aliyê Netewên Yekbûyî ve ji bo eşkerekirina çarenivîsa girtiyan hatiye avakirin, û kembera eşîran ya ku dê li rojhilatê Sûriyê were avakirin, pêşkêş kir.
Jêder: Ofîsa Ragihandinê ya Hevbendiya Niştimanî ya Sûrî
