Endamê Hevbendiya Niştimanî ya Sûrî Eymen Elasimî, tekez kir ku amûrên ewlekariyê yên ser bi rijêma Esed ve li paş çeteyên revandinê ne, yên ku operasyonên revandinê li parêzgeha Derayê pêk tînin, û bal kişand ser wê yekê ku ev tişt di çarçoveya tirsandina xelkê deverê de û belavkirina riklamên wê derbarê girêdana vegera wê bi aramiya deverê re tê.
Û Elasimî di daxwiyaniyin taybet de îro got ku bêserûberiya ewlehîyê li Derayê destçêkirî ye, û çeteyên girêdayî hêzên ewlekariya rijêmê li paş wê ne, û bal kişand ser ku revandin û sepandina pereyan wek berdêl ji serbestberdana yên ku hatine revandin re, bûye şêweyek ji şêweyên fişarê li ser niştecihan û amûrek ji amûrên karê standina pereyan ji welatiyan.
Û çeteyên çekdar yên ser bi asayîşên leşkerî ve keçkek li pêşiya xwaringehekê li bajarê Deraa revand, û keçik bi xwe ji xelkê bajarê Dail yê gundewarê navîn yê Derayê ye, û ew birin cihekî nediyar, û di heman demê de çeteyan pêwendî li gel xwediyên keçikê kirin, û 75 hezar dolar wek berdêl ji azadkirina keçikê re xwestin.
Tê zanîn ku heyva tîrmeha bûrî rêjeya operasyonên revandinê li ser destê çeteyan li parêzgeha Deraa bilind bû, ew jî di nav bêserûberiyeke ewlekarî ya ku ji heyva tîrmeha sala 2018an de zêde bûye de tê.
Jêder: Ofîsa Ragihandinê ya Hevbendiya Niştimanî ya Sûrî
