Amûrên ewlekariyê yên ser bi rijêma Esed ve, helmeteke serdegirtina rojane û girtina bêserûber li deverên di bin kontirola rijêmê de bi bihaneya neçûna leşkeriya neçar berdewam dikin.
Û çalakvanan bal kişandin ser wê yekê ku armanca sereke ji helmetên ewlekarî ew e ku valahiya ku cudabûna ji rijêmê bi dirêjiya salên bûrî hiştiye dagirin, û kêmbûna ku di pêkhateyên wê yên leşkerî de çêbûye tijî bike.
Û di vî warî de malpera Sewt El’asîme(dengê paytextê) anî ziman ku giropên ser bi şaxê asayîşên asîmanî û polîsên leşkerî ve, di heyama 48 katijmêran de derdora 32 ciwanan li hejmarek ji bajar û bajarokên gundewarê Şamê girtin.
Û malperê got ku giropekî hevbeş ji asayîşên asîmanî û polîsên leşkerî, 12 ciwan li bajarê Elnebik di heyama herdû rojên bûrî de girtin, û hemû jî ji yên ji erkê leşkeriya naçar pêk nanîbûn.
Û malperê bal kişand ser ku giropên gerok ên hêzên rijêmê rêbendên demkî li pêşiya deriyê bajarokê Elnebik danîn, di dema ku giropin hevbeş yên dîtir helmetek li Nebik û herdû bajarên Yebrûd û Dêr Etiyê cîbicî kirin, û têde nêzî 20 ciwanan bi armanca leşkeriya neçar girtin.
Tê zanîn ku berî bi derdora hefteyekê, şaxê asayîşên leşkerî helmeteke mîna wê li herdû bajarên Qudseya û Elhame li gundewarê Şamê cîbicî kirin, û têde 20 ciwan girtin, û di 22 tîrmeha bûrî de giropekî ser bi şaxê ewlekariya leşkerî ve 12 ciwan ji xelkê bajarokê Bibêla li gundewarê Şamê û niştecihên wê girtin, û tev jî ji yên ku erkê leşkeriya neçar nekirine bûn.
Jêder: Ofîsa Ragihandinê ya Hevbendiya Niştimanî ya Sûrî
