Hevbendiya Niştimanî ya Sûrî bangeke hewarhatinê arasteyî Emîndarê Giştî yê Netewên Yekbûyî, Xaça Sor a Navdewletî, Komîseriya Bilind a Netewên Yekbûyî ya Karûbarên Penaberan, û rêxistin û komeleyên mafên mirovan kir, da ku bêhtir ji 50 penaberên Sûrî yên ku li giraveke Yonanistanê li rex çemê Evrosê asê mane rizgar bikin, ji ber ku hindik maye ku ew jiyana xwe ji dest bidin, piştî ku xwarina wan nemaye û ji ber vexwarina ava nepaqij nexwaşiyên metirsîdar di nav wan de belav bûne.
Û Hevbendiya Niştimanî di daxwiyaniyeke xwe de îro daxwaza destwerdana bilez ji aliyê rêxistinên pêwendîdar ve kir, û daxwaz ji civaka navdewletî kir ku fişarê li ser hikûmeta Yonanistanê bikin, û tevgereke bilez ji bo dabînkirina alîkariyên xwarinê û yên pizîşkî di zûtirîn dem de bike, ji bo rizgarkirina penaxwazan ji mirinê û nehiştina çêbûna bobelateke nêzîk.
Û daxwiyaniya Hevbendiya Niştimanî, berpirsyariya tam avête ser milê hikûmeta Yonanistanê di mijara saxlemiya penaxwazan û tiştê ku tê serê wan û binpêkirinên ku ew rûbirûyî wan dibin de, nemaze derbarê ew girûpa ku rewşa wê xirab bûye, û li giravekê li rex çemê Evros tevaya endamên wê bê xwarin û av mane, û zarok, jin û nexweş di nav wan de hene.
Jêder: Ofîsa Ragihandinê ya Hevbendiya Niştimanî ya Sûrî
