Cîgira Serokê Hevbendiya Niştimanî ya Sûrî Ruba Hebûş, tekez kir ku operasyonên derbiderkirin û vegerandina bi darê zorê ya penaxwazan bo cihên ku jê hatine bêyî garantiyên yasayî, ne li gorî yasayên navdewletî ye.
Û Hebûş di daxwiyaniyên taybet de, îro, got ku penaxwazên ku jiyana xwe dixin bin metirsiyê dema ku berve dewletên ewle diçin, eger ku rewşa wan li cihên ku li şûn xwe dihêlin ne xerab bûya, wan jiyana xwe û ya malbatên xwe nedixistin metirsiya mirinê de ji bo bigihêjin wan dewletan.
Û Hebûş got ku vegera penaberên Sûrî yên ku ji Qubrisê gihiştine Libnanê, dibe ku bibe metirsî li ser jiyana hinan ji wan, nemaze ku bi dehan penaberên Sûrî yên li Libnanê di heyama berê de ji aliyê alîgirên Hizbullahê û yên bi ser wê ve rastî binpêkirinan hatibûn.
Û Hebûş amaje bi wê yekê kir ku metirsiya dersînorkirina van derbideran ji Qubrisê bo dewleta Libnanê di wê yekê de ye ku heye wan radestî rijêma Esed bikin, rijêma ku ew penaber ji Sûriyê ji ber hovîtiya hêz û amûrên wê yên ewlekariyê reviyabûn.
Û alavên ragihandinê anîn ziman ku Qubrisê zêdetirî 100 penaxwazên Sûrî vegerandine Libnanê, piştî ku ew li ser xaka wê hatin girtin, û piraniya wan piştî lêkolînên Artêşa Libnanê bi wan re berve Sûriyê hatin dersînorkirin.
Û Ajansa Penaberan a Netewên Yekbûyî, dilgiraniya xwe anî ziman derbarê derbiderkirina zêdetir ji 100 Sûriyên ku ji Qubrisê bo Libnanê hatine şandin, bêyî ku diyar bike ka pêwîstiya wan bi parastina yasayî heye, ji ber ku dibe dersînorkirina hin ji wan berve welatê wan metirsiyê li ser jiyana wan çêbike.
Jêder: Ofîsa Ragihandinê ya Hevbendiya Niştimanî ya Sûrî
