Tîma lêkolînerên rêxistina qedexekirina çekên kêmyayî (OPCW) nikarîbû derbasî cihê êrîşa kêmyayî li Dûma ya li Xûta rojhilat bibe, di heman dema ku Amerîka û Birêtaniya û Fransa, Rûsiya û rijêmê bi veşartina nîşanên tawanê tometbar dikin.
Ajansa “Reuters” got ku tîma lêkolînerên OPCW serdana xwe ya ji bo cihê êrîşa kêmyayî li Dûma paş xist, bi sedema gulebarankirina li devera êrîşa kêmyayî, û jêderekî NY li Sûriyê got ku duhî li roja sêşemê yekem tîma OPCW derbasî bajarê Dûma bibû, bê ku pisporên saziyê derbas bibin.
Û ajansa “Associated press” gotibû ku ew derbasî li nav bajarê Dûma bibû û ligel şahidhalên bûyerê axivîbû, û wan tekez kir ku ew rastî êrîşa bi gazên kêmyayî hatibûn, û bal kişandibû ku şahidhal ji hêzên Rijêmê ditirsiyan, û dema ew hêz ji wan dûr diketin û dengê wan nedibîhistin bersiv didan.
Wezareta derve ya Fransa duhî roja sêşemê got ku “dibe ku belgeyên li şûna êrîşa kêmyayî ya gomankirî li Dûma hatibin windakirin”, û yekser piştî ku li roja duşemê rê hatibû girtin li pêşiya OPCW ji aliyê Rijêmê û Rûsiya, wezareta derve ya Fransa gotibû ku divê bilez û bi tekûzî rê li pêşya derbasbûna vekolînerên çekên kêmyayî bo cihê êrîşê bêne vekirin “.
Herwiha ku hin wêneyên nû yên komkujiyê ji aliyê çalakvanan hatine belavkirin, û têde wêneyên zarokên hatine kuştin diyar dibin, û balê dikşînin ser ku veşartina rastiyan tişteke zehmet e, nemaze ku heman tawan ji aliyê tawanbar bi dehên caran dubare dibe.
Hêjayê gotinê ye ku çend saziyên leşkerî yên rijêma Esed ji ber êrîşa kêmyayî ji aliyê çend dewletên zilhêz hatibûn bombebarankirin, û Hevbendiya Niştimaniya Sûriyê dawaza dadgehkirina rijêma Esed li ser hemû tawanên wê kiribû, û daxwaz kiribû ku dadgehkirina Rijêmê netenê li ser bikaranîna çekên kêmyayî be.
Hevbendiya Niştimanî bal kişandibû ku lêdana navdewletî ya li dijî Rijêmê, pêgaveke giring bû ber bi şikandina pencên rijêmê û lawazkirina şiyanên wê yên leşkerî yên bi sercem corê çekên qedexekirî û tevlî çekên kêmyayî di bombebarankirina bajarên Sûriyê de bikar tîne.
Jêder: Ofîsa Ragihandina Hevbendiya Niştimanî