Hevbendiya Niştimanî ya Sûrî, gurkirina metirsîdar ji aliyê rijêma Esed a terorîst û Rusya ve li ser deverên Cebel Elzawiyê û gundewarê Helebê yê rojava şermezar kir, her wiha gurkirina mîna wê ji hêla milîsên PYDe yên terorîst ve, bi piştgiriya rijêma terorîst û Rusya li ser deverên li gundewarên Bab û Minbicê yên girêdayî parêzgeha Helebê, ku van hêzên tawankar bi topên giran û mûşekan û êrîşên asîmanî deverên sivîlan armanc kirin.
Û Hevbendiya Niştimanî di daxwiyaniyeke xwe de îro got ku ev gurkirina dijî deverên sivîlan metirsiyekê li ser jiyana bimilyonan ji xelkê deverên rizgarkirî çêdike, nemaze ku hejmara êrîşan di sala niha de 500 êrîş derbas kiriye, û dibe ku ev gurkirin bibe sedema pêleke nû ya koçberiyê, û bi tundiya operasyonên bombebaranê re, bidehên malbatan berê xwe dan cihên ku metirsî lê hindik in.
Û Hevbendiya Niştimanî bang li Artêşa Niştimanî ya Sûrî kir, da bibe rêgir li hember van bombebaranên tawankarî ji bo parastina jiyana sivîlan.
Û Hevbendiya Niştimanî tekez kir ku rijêma Esed bi rêbaza serkutkirin, kuştin û terorîzmê re berdewam nedikir, eger helwestên navdewletî di rawestandina komkujiyên hovane de kartêker bana, û tunebûna cidîtiyê bi dirêjiya salên bûrî di cîbicîkirina biryarên navdewletî yên girêdayî Sûriyê de, nemaze biryara 2254 -2118. Û ji civaka navdewletî tê xwestin ku yên ku xelkê li Sûriyê mane rizgar bike, di riya pêkanîna veguhestina siyasî ya berfireh re, ya ku welêt ber bi qonaxa piştî Esed ve dibe, ji bo avakirina Sûriyeke azad û demokrat ji hemû gelê wê re.
Jêder: Ofîsa Ragihandinê ya Hevbendiya Niştimanî ya Sûrî
