Hevrêzkarê Komîteya Cezêrê û Ferêt ya Hevbendiya Niştimanî ya Sûrî, Ebdilbasit Ebdilletîf, rapora karê komîteyê yê herdû heyvên bûrî, li pêşiya Desteya Giştî di xola wê ya 68an de pêşkêş kir, û têde li ser karê Komîteyê yê di serdana deverên rizgarkirî de li rojhilatê Ferêt û hevdîtina li gel xelkên deverê û gotûbêjkirina rewşa wan, nemaze piştî dijminkariya ku milîsên PYDe yên terorîst dermafê şêniyê deverê pêk anîne, axivî.
Û bal kişand ser ku Komîteyê serdana encumenên xwecihî yên herdû bajarên Girê Sipî û Serê Kaniyê kir, û behsa rewşa debara jiyanê ya nişteciyan di dema nebûna saziyên hawarçûnê û geşepêdanê li deverê kir.
Û Ebdilletîf bal kişand ser pêwîstiya karê li ser dabînkirina firotina berhemên çandiniyê yên deverê, da ku rewşa aborî baş bibe, û alîkirina xelkê bi riya dana qerzên çandiniyê bibe.
Û Ebdilletîf tekezî li ser rijdiya xelkê devera rojhilatê Ferêt û rûsipiyên wê li ser rêvebirina deverê ji hêla wan ve û qewtandina milîsên PYDe yên terorîst û redkirina kontrolkirina wan ji deverê re kir.
Jêder: Ofîsa Ragihandinê ya Hevbendiya Niştimanî ya Sûrî
