Tora Sûrî ya Mafên Mirovan, diyar kir ku 55 sivîl li Sûriyê di heyva îlona 2023yan de hatine kuştin, 12 zarok û 10 jin di nav wan de hebûn, û du kesan jî di bin îşkenceyê de canê xwe ji dest da.
Û rapora ku duh roja yekşemê derketiye, eşkere kir ku rijêma Esed 14 sivîl kuştine neh zarok û du jin di nav wan de hebûn, û milîsên PYD yên terrorist 11 sivîl kuştin 2 zarok û 6 jin di nav wan de hevbûn, û 30 kesên ku zarokek û du jin di nav wan de hebûn li ser destê aliyin din hatine kuştin, û raporê komkujiyeke ku li ser destê rijêma Esed pêk hatibû û têde 5 zarok bibûn qurbanî belge kiriye.
Û raporê destnîşan kir ku parêzgeha Dêra Zorê bi rêjeya 33% ji hejmara kuştiyan di heyva îlonê de di rêza yekem de ye, parêzgeha Deraa bi rêjeya 31% û piştre parêzgeha Helebê bi 22% ji hejmara kuştiyan tê.
Û raporê bal kişand ser berdewamiya qurbaniyên sivîl ji ber mayînan li parêzgeh û deverên cuda yên Sûriyê, ku têde kuştina 3 sivîlan hatiye belgekirin, û ji destpêka sala 2023an ve hejmara kuştiyên ji ber mayînan gihiştiye 99 sivîlan, 24 zarok û 8 jin di nav wan de hebûn.
Û raportê di heyva îlonê de, mirina du kesan bi sedema îşkenceyê tomar kiriye, û rêjeya qurbaniyan bi sedema îşkencekirina li ser destên hêzên rijêmê nêzîkî 45% bû, li gorî hejmara giştî ya qurbaniyên îşkenceyê di sala 2023an de.
Û Tora Mafên Mirovan di rapora xwe de daxwaz ji Encûmena Ewlekariyê kir ku rêşûnên zêdetir piştî derketina biryara jimare 2254 bistîne, û cextî li ser pêwîstiya şandina dosya Sûriyê bo Dadgeha Tawanan ya Navdewletî kir, û hemû kesên ku tevlî tawanên li dijî mirovatiyê û tawanên cengê bûne bên sizadan.
Jêder: Ofîsa Ragihandinê ya Hevbendiya Niştimanî ya Sûrî
