Serokê Hikûmeta Sûrî ya Demkî Ebdilrihman Mustefa bi hevaltiya Cîgirê Serokê Hevbendiya Niştimanî ya Sûrî Ebdilmecîd Berekat duh roja duşemê pirojeya pira sêyemîn li bajarê Efrînê vekir.
Û di çalakiyê de Razgirê Desteya Siyasî di Hevbenda Niştimanî de Ebdilbasit Ebdilletîf, endamên her du Desteyên Siyasî û Giştî, Emîndarê Giştî yê Encumena Êl û Eşîrên Sûrî Cîhad Mirî, û hejmarek ji Wezîran û Cîgirê Serokê Encumena Xwecihî ya Bajarê Efrînê û hejmarek ji serokên encumenên parêzgehan û encumenên xwecihî û çalakvanên rojnamevanî û civakî amade bûn.
Û Cîgirê Serokê Hevbendiya Niştimanî Ebdilmecîd Berekat tekez kir ku pêşdebirina bakurê Sûriyê pêşinde ye, di rêya vekirina pirojeyên domdartir re li deverên rizgarkirî ji ber ku ev yek alîkariyê di çakkirina xizmetguzariyê û jêrxaneyê dik, û pesna tiştê ku Hikûmeta Demkî li gorî karînên wê yên sînordar pê radibe da.
Û Ebdilrihman Mustefa tekez kir ku Hikûmeta Demkî li ser rêya pêşxistin û avakirinê berdewam e, û bi awayekî herdem bizavê li ser cîbicîkirina pirojeyên girîng û jiyandar ên aborî dikin, yên ku dikarin barê li ser milê welatiyan li tevaya deverên rizgarkirî sivik bikin.
Û Serokê Hikûmeta Demkî diyar kir ku pira ku hatiye vekirin a siyemîn e ji vê cureyê li bajarê Efrînê û çar rêyên wê hene, û dirêjiya vê pirê û rêya derdora bajêr ya ku dergehên derbasbûn û derketinê yên bajêr bi hev ve girêdide ji aliyê Rojava ve(Rêya Cindirêsê) û rojhilat ve (Ezaz) û başûr ve (Xezêwiyê) 1650 mitre, û ev pir rojhilatê deverên rizgarkirî bi rojavayê wê ve girê dide û pir di ser çemê Efrînê re diçe.
Û Mustefa bal kişand ser ku pira nû dê rolala wê di sivikkirina fişar û trafîkê de hebe, û mesrefa veguhaztinê kêm bike, nemaze ji otomobîl û barhilgêrên wek rêça bi lez têre derbas dibin re.
Û Wezîrê Rêvebiriya Xwecihî û Xizmetguzariyan Endezyar Mihemed Seîd Silêman, diyar kir ku ev piroje beşek ji pilana Wezaretê di pêşxistina jêrxaneya bajarê Efrînê û vegerandina rûyê wê yê şaristanî û ciwanî û pêşkêşkirina xizmetkariyên baştir ji welatiyan re tê.
Jêder: Ofîsa Ragihandinê ya Hevbendiya Niştimanî ya Sûrî
