Cîgira Serokê Hevbendiya Niştimanî ya Sûrî Dîma Mûsa, îro çarşemê, hevdîtinek li gel hejmarek ji rojnamevanên Sûrî yên ku bi awayekî fîzîkî û yên ku “online” ji dûr de amade bûne li gel amadebûna hevrêzkarê Desteya Têkeliyên Derve Ebdilehad Istêfo û endamê Desteya Siyasî Abdellah Gado li dar xist.
Û Mûsa kurtegotinek li ser pêşhatên proseya siyasî û bandorên kêmkirina alîkariyên mirovî yên ku ji Sûriyê re tên terxankirin û encamên serdan û civînên Hevbendiya Niştimanî bi partî, sazî û rêxistinên Sûriyê re û çalakî û hevdîtinên herêmî û navdewletî pêşkêş kir.
Û Mûsa tekezî li ser pêgirtina Hevbendiya Niştimanî bi çareseriya siyasî li gor biryarên navdewletî û di pêşî de biryarên Encûmena Ewlekariyê 2118 û 2254 kir, wek tekane şêwe ji bo ku çareseriyeke siyasî ya berfereh û berdewam li Sûriyê pêk were.
Û Mûsa awayê karê civaka navdewletî derbarê dosya Sûriyê û ranebûna wê bi berpisyariyên xwe ji bo aktîvkirina proseya siyasî û cîbicîkirina biryarên navdewletî yên pêwendîdar rexne kir, û bal kişand ser giringiya nehiştina rijêmê ku proseya siyasî wek giraw û rehîne ji xwe re bikar bîne.
Û Mûsa behsa pêşkêşkirina Hevbendiyê ji pêşniyarin cidî ji ofîsa Nûnerê Navdewletî û dewletên çalak di dosya Sûriyê de re kir, ji bo dîtina nêzîkbûneke nû û berfireh ji proseya siyasî re û cîbicîkirina biryara 2254 ji bo gihîştina çareseriyeke berfireh ku daxwazên gelê Sûriyê pêk bîne, di dewletekê de ku maf, azadî, demokrasî û hemwelatîbûna wekhev ji hemû Sûriyan re misoger bike xwe bi rêve bibe.
Û Mûsa cext kir ku ti çareyên mirovî ji qeyrana mirovî re nînin, û tekezî li ser pêwîstiya danûstandinê li gel sedem û kokên van qeyranan kir, yên ku di binyada xwe de sedemên siyasî ne, di rêya pêkanîna veguhestina siyasî ya tam re li welêt, û bal kişand ser kêmkirina alîkariyên mirovî bo Sûriyê ji ber pirbûn û alozbûna qeyranên herêmî û navdewletî tên, û hişyarî da ku kirîza mirovî li Sûriyê dê bibe bobelateke mirovî, bi taybetî ku em di destpêka zivistanê de ne.
Û Mûsa diyar kir ku peywendiya Hevbendiya Niştimanî ya berdewam bi dewletên bexşkar û rêxistinên navdewletî yên têkildar bi alîkariyên mirovî re heye, ji bo pêşkêşkirina alîkariyên mirovî ji kesên hewcedar re, û bal kişand ser giringiya nehiştina kêmkirina qebareya alîkariyan herweha xurtkirina şiyanên berhemdana derbider û penaberan, û piştgirîkirina saziyên hêzên şoreşger û rikberiya Sûrî, da ku bakurê Sûriyê pêşve bibin, da bijardeya mayîna li Sûriyê li bal sûriyan peyda bibe.
Û Mûsa bal kişand ser ku qeyrana dosya bazirganiya keresteyên hişber a ku rijêma Sûrî li ser kûrkirina wê ya navxweyî û hinardekirina wê bo dewletên din berdewam e, û tekez kir ku rijêm qeyranan li deverê çêdike û hinardeyî derve dike, da ku wê weke karteke fişarê bi dewletan re bikar bîne, û piroseya siyasî asteng bike.
Û Mûsa raveyek derbarê plana Hevbendiya Niştimanî ya li deverên rizgarkirî pêşkêş kir, û tekez kir ku ew giringiyê didin peydakirina ewlehî û aramiyê li bakurê Sûriyê, da ku jîngeheke guncav ji başkirina rewşa debara jiyanê û aboriyê re û handana li ser veberhênanê biafirîne, da bibe alîkar di piştgiriya xweragiriya niştecihên li deverê û penaberan li ser vegerê han bide.
Û Mûsa bal kişand ser ku pêwîstîya vê planê bi hevkarî û berdewamiyê di navbera Hevbendiya Niştimanî û saziyên wê yên dî de heye, û di pêşî de Hikûmeta Sûrî ya Demkî û hemû rêxistin û komên kartêker li deverê, ji bo pêşveçûna bakurê Sûriyê û guhertina ketwarê Sûrî da ev rewş bête guhertin.
Jêder: Ofîsa Ragihandinê ya Hevbendiya Niştimanî ya Sûrî
