Cîgirê Serokê Hevbendiya Niştimanî ya Sûrî Ebdulmejîd Berekat, tekez kir ku rijêma Esed çesipand ku ew ne hêja ye ku bibe hevparekî siyasî û herêmî û erebî, û diyar kir ku Hevbendiyê di vê çarçoveyê de bi hejmarek ji welatên erebî re danûstandin kirine, û Ji wan re got ku rijêm tiştekî pêşkêşî wan nake, û dê nikaribe sozên xwe bi cih bîne, ji ber ku ew nikare biryaran bide.
Û Berekat di daxwiyaniyin taybet bo Ajansa Anadol de, got ku rijêmê çesipand ku ew ne hêja ye bibe hevparê siyasî yê herêmî û erebî, nemaze ku piştî qonaxa hewlên asayîkirina têkliyan, gurkirinek di warê gefên ewlekarî de ji devera erbî re hebû, her wiha zêdebûna bazirganiya keresteyên hişbir û jikarêxistina bêhtir ji pirosesa siyasî ya Sûrî re, û Rijêm xwedî li lihevkirinên girêdayî wê piroseyê derneket, bi taybetî yên derbarê Komîteya Destûrî.
Û got ku di vê çarçoveyê de em bi hejmarek ji dewletên ereb re axivîn, û me berê jî ji wan re tekez kiribû ku rijêm tiştekî pêşkêş nake, ji ber ku şiyana çêkirina biryarê ji kok de ne di destê wê de ye, û nejî dikare bi azadî bilive.
Û bal kişand ser ku xitimîna di pirosesa siyasî de, hişt ku ku gelek dewlet berê xwe bidin dîtina rê û şêweyan ji bo di riya wan re ji rewşa aloz derkevin, û lihevkirinin nû di dosya Sûrî de bibînin.
Û amaje bi wê yekê kir ku dibe hokarên dewletin ereban hebûn da ku têkliyan bi rijêmê re normal bikin, ji bo ku garantiyin girêdayî Sûriyê bistînin, di dozên wek: Piroseya siyasî, garantiyên ewlekarî yên girêdayî dewletên ereb, û belkî hin garantiyên leşkerî jî bin.
Û amaje bi wê yekê kir ku ev garantiyên ku dewletên ereb xwestine ji bo têkliyan bi rijêmê re normal bikin, nehatin dabînkirin, “ji ber ku karîna rijêmê ya çêkirina biryarê tune ye”, û tekez kir ku biryara rijêmê di destê Rusiya û Îranê de ye.
Û Berekat diyar kir ku ev encam egera sereke bû ya hişt dewletên ereb careke din derbarê têkliyên li gel rijêma Esed li xwe vegerin.
Jêder: Ofîsa Ragihandinê ya Hevbendiya Niştimanî ya Sûrî
